Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Кандибиотик 5 мл капли ушные во флаконах

3224
Қолжетімділігі
Сатылымда бар
Үлгі
8904091112401
Елі
Индия
Өндіруші
Гленмарк
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

КАНДИБИОТИК

Саудалық атауы

Кандибиотик

Халықаралық патенттелмеген атауы

Жоқ

Дәрілік түрі

Құлақ тамшылары, 5 мл

Құрамы

1 мл құрамында

белсенді заттар: 10 мг клотримазол,

50 мг хлорамфеникол,

0,25 мг беклометазон дипропионаты,

20 мг лидокаин гидрохлориді;

қосымша заттар: глицерин, пропиленгиликоль.

Сипаттамасы

Ақшыл-сары түсті мөлдір сұйықтық.

Фармакотерапиялық тобы

Сезім мүшелерінің ауруларын емдеуге арналған препараттар. Отологиялық ауруларды емдеуге арналған препараттар. Микробқа қарсы препараттармен біріктірілген глюкокортикостероидтар.

ATХ коды S02CA

Фармакологиялық қасиеттері

Фармакокинетикасы

Клотримазол жергілікті қолданғанда өте аз сіңеді. Іздері (0.001 мкг/мл-ден аз) 0,5 мл ерітіндіні жаққаннан кейін сарысуда 48 сағаттан кейін анықталған. Негізінен нәжіспен және өтпен шығарылады, тек 0,05 % - 0,5 % клотримазол несеппен шығарылады.

Хлорамфеникол жергілікті қолданғанда да, жүйелі қолданғанда да сұйықтықтар мен тіндерге жақсы өтеді.

Беклометазон дипропионаты жергілікті қолданғанда мүлдем сіңбейді деуге болады.

Лидокаин жергілікті қолданғанда серозды қабатқа сіңуі мүмкін. Препараттың сіңуі концентрациясына, дозасына, қолданылған орнына, сондай-ақ препараттың қолданылу ұзақтығына (экспозициясына) байланысты.

Фармакодинамикасы

Клотримазол – имидазол туындысы, зеңге қарсы белсенділігі зеңдердің жасуша жарғақшаларына бағытталған. Зеңдердің жасуша жарғақшаларындағы эргостерин синтезін бұзады, бұл арқылы жасуша қабырғасын зақымдайды. Эргостерин – зеңдердің цитоплазмалық жарғақшасының басты компоненті, клотримазол эргостерин синтезіне бейімделеді және оның әсері концентрациясына байланысты.

Хлорамфеникол – амфеникол туындысы, әсер ету ауқымы кең антибиотик, бактериялық ақуыз синтезіне әсер етеді. Бактериостатикалық әсер береді. Грамоң бактерияларға: Staphylococcus spp., Streptococcus spp.; грамтеріс бактерияларға: Neisseria gonorrhoeae, Neisseria meningitidis, Escherichia coli, Haemophilus influenzae, Salmonella spp., Shigella spp., Klebsiella spp., Serratia spp., Yersinia spp., Proteus spp., Rickettsia spp.; сондай-ақ Spirochaetaceae қатысты белсенді.

Хлорамфеникол пенициллинге, стрептомицинге, сульфаниламидтерге төзімді штаммдарға қатысты, сондай-ақ анаэробты микрофлораға қатысты белсенді.

Беклометазон дипропионаты – галогенделген глюкокортикостероид, қабынуға қарсы, аллергияға қарсы және экссудатқа қарсы әсері бар.

Лидокаин – жергілікті анестетик, жаққан жердегі жүйке талшықтарының сезімтал ұштарындағы жүйке импульстерінің өткізгіштігін бұзады. Әсері қайтымды. Жергілікті анестезия иннервацияны сақтай отырып, ауырғанды басу үшін жиі қолданылады. Лидокаин беткейлік жансыздандыру үшін жиі қолданылады, әсері салыстырмалы түрле тез білінеді және 6 сағатқа созылады.

Қолданылуы

Құлақтың аллергиялық және қабыну ауруларында:

- жедел диффузиялық сыртқы отит

- ортаңғы құлақтың жедел отиті

- өршу сатысындағы созылмалы отит

- құлаққа жасалған хирургиялық араласудан кейінгі жағдайлар

Қолдану тәсілі және дозалары

Жергілікті. Препаратты қолдану үшін басты қисайтып, құлаққа тамшының қажетті мөлшерін тамызу және құлақ ішіне препарат дұрыс кіруін қамтамасыз ету үшін басты шамалы уақыт қиғаш қалпында ұстау керек.

Ересектер мен 12 жастан асқан балаларға – препаратты құлақ ішіне тәулігіне 3-4 рет 3-4 тамшыдан тамызу керек.

Емдеу курсы аурудың ауырлық дәрежесіне және ағымына байланысты жеке дара анықтайды және орташа 5-7 күнді құрайды.

2-ден 12 жасқа дейінгі балаларға – тәулігіне 2 тамшыдан 4 рет. Емдеу курсы 5 күнді құрайды.

Жағымсыз әсерлері

- препаратты жаққан жердегі күйдіру, қышыну

- аллергиялық реакция

Қолдануға болмайтын жағдайлар

- препарат компоненттеріне жоғары сезімталдық

- 2 жасқа дейінгі балаларға

- дабыл жарғағы бүтіндігінің бұзылуы

Дәрілермен өзара әрекеттесуі

Препараттың белсенді компоненттерінің тері арқылы сіңірілуі төмен болғандықтан, дәрілермен өзара әрекеттесу ықтималдығы аз болып есептеледі.

Айрықша нұсқаулар

Тек жергілікті қолдануға арналған. Көзге тигізіп алмау керек. Көзге тиіп кетсе, оны сумен мұқият жуып тастау керек. Егер жүйелі қолданғаннан кейін жай-күйдің нашарлағаны байқалса немесе жақсаруы болмаса, дәрігерге қаралыңыз.

Жүктілік және лактация кезеңі

Препаратты жүктілік және бала емізу кезінде, егер анасы үшін ықтимал пайдасы шарана пен балаға төнетін қауіптен асатын болса ғана тағайындауға болады.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлік немесе қауіптілігі зор механизмдерді басқару қабілетіне әсер етпейді.

Артық дозалануы

Симптомдары: артық дозалану ықтималдығы аз, бірақ байқаусызда артық дозаланған жағдайда жағымсыз әсерлері күшеюі мүмкін.

Емі: зақымдалған жерді жуып-шаю, симптоматикалық.

Шығарылу түрі мен қаптамасы

Бұралып жабылатын қақпағы бар күңгірт шыныдан жасалғанқұтыда 5 мл препараттан.

Құтыны пипеткамен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

Гленмарк Фармасьютикалз Лтд, ПЛОТ № Е 37,39, МИДС Ареа, Саптур, Насик – 422007,Махараштра, Үндістан.

Тіркеу куәлігінің иесі

Гленмарк Фармасьютикалз Лтд, Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

Гленмарк Фармасьютикалз ЛТД ҚР өкілдігі, 050059, Алматы қ., Әл-Фараби даңғ.,7, «Нұрлы Тау» бизнес орталығы, блок 4 А, 12-кеңсе.

тел: + 7(727) 311 04 41

E-mail: Gulnara.Tinikeyeva@glenmarkpharma.com

Дәріханалар

Тауар артығымен бар
Тауар аз қалды
Аптека №86
Торетам ул Коркыт Ата 2/1
09:00-21:00