Тауарлардың көрінісі фотосуретте көрсетілгеннен өзгеше болуы мүмкін

Эфизол №20, табл.

1317
Қолжетімділігі
Сатылымда бар
Үлгі
3800714477702
Елі
Исландия
Өндіруші
Actavis
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ЭФИЗОЛ

Саудалық атауы

Эфизол

Халықаралық патенттелмеген атауы

Жоқ

Дәрілік түрі

Соруға арналған таблеткалар

Құрамы

Бір таблетканың құрамында

белсенді заттар: 0,25 мг деквалиний хлориді, 30 мг аскорбин қышқылы

қосымша заттар: глюкоза моногидраты, натрий сахарині, пектин, ванилин, сахароза, какао ұнтағы, лактоза моногидраты, магний стеараты.

Сипаттамасы

Дөңгелек пішінді, екі жағынан ойылған және бір жағы кертілген қоңыр түсті, какао мен ванилиннің иісі бар, диаметрі 13.0 мм жуық таблеткалар.

Фармакотерапиялық тобы

Тамақ ауруын емдеуге арналған препараттар. Антисептиктер.

АТХ коды R02AA

Фармакологиялық қасиеттер

Фармакокинетикасы

Препарат тез сіңеді, диффузия арқылы бауыр, өкпе, бүйрек арқылы таралады, ішек және бүйрек арқылы шығарылады. Шығарылуы несеппен және нәжіспен әрі ұзақ жүреді.

Фармакодинамикасы

Эфизол ауыз қуысы мен тамақтың қабыну үдерістерін емдеу үшін пайдаланғанда, айқын жергілікті антисептикалық, бактерияға қарсы және зеңге қарсы әсері бар біріктірілген препарат болып табылады.

Грамоң және грамтеріс қатардағы микроорганизмдерге, оның ішінде антибиотиктерге сезімтал штаммдарға негізінен бактериостатикалық (кейбір мәліметтер бойынша бактерицидтік) әсер көрсетеді. Препарат рН сілтілі мәнінде (ауыз қуысының ортасына сәйкес) және температура 37 ºС болғанда тиімді.

Деквалиний хлориді квинолиндер тобының жергілікті антисептигі болып табылады. Ол антисептикалық және бактерияларға қарсы әсері бар бистөрттік квинолин болып табылады.

Деквалиний хлориді антисептикалық – негізінен, жергілікті әсер көрсетеді; бактерияларға қарсы әсері – ең бастысы грамоң және грамтеріс микроорганизмдерге, негізінен шірітетін қоздырғыштарға және антибиотиктерге төзімді штаммдарға (пиогенді стрептококктар, Borrelia және т.б.) қатысты болады; зеңге қарсы әсері – негізінен Candida albicans,Trichophyton және эпидермофиттердің кейбір түрлеріне қарсы. Mycobacterium-ге қатысты белсенді емес.

Белсенді бактерияларға қарсы механизмге еріту және деполимеризация арқылы ақуыздар мен ферменттердің денатурациясы, сондай-ақ дегидрогеназалардың гликолизі мен инактивациясы кіреді; бастапқыда әсері қайтымды, әйтседе, қоздырғыштармен ұзақ уақыт қатынаста болуы олардың белсенділігін қайтарымсыз жояды; ақуыздар синтезінің рибосомалар деңгейінде бұзылуы; жасушалық жарғақшалар цитолизі. Оның бактериостатикалық әсері негізінде беткейлік белсенді катиондық әсер жатады, және бұл грамтеріске қарағанда грамоң микроорганизмдерде айқынырақ көрінеді.

Аскорбин қышқылы жасушаішілік тотығу және тотықсыздану үрдістеріне әсер етеді; спецификалық бактерияларға қарсы антитоксиндердің синтезін ұлғайтады және ретикулоэндотелийдің функциясын жақсартады; шекаралық жарғақшалардың өткізгіштігін азайтады, капиллярлар қабырғаларын нығайтады және қатайтады, экссудативті, қабыну және аллергиялық реакцияларды шектейді.

Эфизолға төзімділік ұзақ уақыт қолданғанда дамиды (15 – 20 күннен астам).Ол пенициллин, стрептомицин және сульфонамидке төзімді микроорганизмдерге қатысты тиімді.

Қолданылуы

  • препаратқа сезімтал қоздырғыштар туындатқан ауыз қуысы мен жұтқыншақ аймағындағы жеңіл қабыну үдерістерін жергілікті антисептикалық емдеу: катаральді, ойық-жаралы, фиброзды гингивиттер, афтозды стоматит, ауыз қуысы шырышты қабығының кандидозы, фарингит, тонзиллит, ларингит, глоссит
  • ауыз қуысына және тамаққа жасалған операциялық араласуларға дейінгі және одан кейінгі инфекциялар профилактикасы
  • антибиотиктермен немесе сульфонамидтермен қосып, ауыз қуысы мен жұтқыншақтағы инфекциялық үрдістерді кешенді емдеу.

Қолданутәсілі және дозалары

Ересектерге ұсынылатын дозалар.

Әр 2-3 сағат сайын сору үшін бір таблеткадан тағайындайды (тәулігіне 8- 10 таблеткадан аспайды).

6 жастан асқан балаларға әр 2-3 сағат сайын сору үшін бір таблеткадан қолданады (тәулігіне 4-6 таблеткадан аспайды).

Таблеткаларды шайнамайды. Препаратты қабылдаған соң, пациент жарты сағат бойы тамақтанбауы және сусындар ішпеуі керек.

Клиникалық симптомдары жойылған соң, емдеуді 1-2 күн бойы жалғастыру ұсынылады. Емдеу курсы дисбактериоздың даму қаупіне байланысты 5 – 7 күннен аспауы тиіс.

Жағымсызәсерлері

Сирек

  • жүрек айнуы, құстырту
  • аллергиялық реакциялар: ашыту және тітіркендіруді сезіну, ауыз қуысының құрғауы
  • дисбактериоз (ұзақ қолданған кезде)
  • препарат компоненттеріне жоғары сезімталдық
  • лактозаны көтере алмаушылық, глюкоза-галактозаның мальабсорбциясы синдромы
  • 6 жасқа дейінгі балаларға

Өте сирек

Қолдануға болмайтын жағдайлар

Дәрілермен өзараәрекеттесуі

Каексалатпен (гиперкалиемияны емдеуге арналған препарат) бірге қабылдағанда тері мен шырышты қабықта, әсіресе асқазан-ішек жолында ауыр некроздық зақымданулар дамуы мүмкін.

Айрықша нұсқаулар

Препаратты ауыруды басатын компоненттің жоқ болуына байланысты оны айқын аурумен қатар жүретін қабыну үдерістерінде қолданбау керек.

Жергілікті қолдануға арналған басқа препараттармен бір мезгілде сақтықпен және емдеуші дәрігердің бағалауынан кейін қолданған жөн.

Қант құрамының төмен болуына қарамай, препаратты қант диабеті бар пациенттерге аса сақтықпен қолдану керек.

Инфекция таралуының клиникалық симптомдары болған жағдайда, дәрігердің кеңесі қажет.

Әлдебір жағымсыз реакциялар пайда болғанда, Эфизолды қабылдауды тоқтатып, басқа ем тағайындау керек.

Тұқым қуалайтын лактоза жақпаушылығы бар пациенттерге препаратты қолданбаған жөн.

Препаратпен емдеу нәтижелері болмаған жағдайда, дәрігермен кеңесу керек.

Жүктілік және лактация кезеңі

Осы кезеңге дейін Эфизолдың жүктілікке әсеріне қатысты қауіпсіздігі мен тиімділігі жөнінде деректер жоқ. Сондықтан жүктілік кезеңінде препаратты сақтықпен қабылдау керек.

Эфизолды емшек емізу кезеңінде ұсынылған дозаларда және сақтықпен қолдануға болады.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автомобиль жүргізу және қауіптілігі зор механизмдерді басқару қабілетіне әсер етпейді.

Артықдозалануы

Эфизолмен артық дозалану жөнінде деректер жоқ.

Шығарылу түрі және қаптамасы

20 таблеткадан ПВХ/ПВДХ мөлдір түрлі-түсті үлбір мен алюминий фольгадан жасалған пішінді ұяшықты қаптамада.

1 пішінді ұяшықты қаптамадан мемлекеттік және орыс тіліндегі медициналық қолдану жөніндегі нұсқаулықпен бірге картон қорапқа салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецептісіз

Өндіруші

«Балканфарма-Разград АД», Болгария

Тіркеу куәлігінің иесі

«Балканфарма-Дупница АД», Болгария

Қазақстан Республикасы аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ратиофарм Қазақстан» ЖШС, 050059, Қазақстан Республикасы

Алматы қ., Әл-Фараби даңғ. 17/1, «Нұрлы-Тау» БО 5Б корпус,6 қабат

Телефон (727) 325-16-15; 325-16-90

E-mail: Safety.Kazakhstan@tevapharm.com

Дәріханалар

Тауар артығымен бар
Тауар аз қалды
Аптека №86
Торетам ул Коркыт Ата 2/1
09:00-21:00