Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Гентасепт
Саудалық атауы
Гентасепт
Халықаралық патенттелмеген атауы
Жоқ
Дәрілік түрі
Сыртқа қолдануға арналған ұнтақ, 2 г және 5 г
Құрамы
1 г препараттың құрамында
белсенді заттар: 0.024 г гентамицин сульфаты гентамицин мен сусыз затқа шаққанда, 0.014 г L-Триптофан, 0.010 г мырыш сульфаты гептагидраты,Метоксан 1 г-ды алуға жеткілікті мөлшерде.
Сипаттамасы
Иісі жоқ, ақ немесе ашық-сары реңді ақ түсті аморфты ұнтақ.
Фармакотерапиялық тобы
Дерматология. Дерматологияда қолдануға арналған антибиотиктер және химиялық емпрепараттары. Антибиотиктердің микробқа қарсы препараттармен біріктірілімі.
АТХ коды D06С
Фармакологиялық қасиеттері
Фармакокинетикасы
Фармакокинетикасы зерттелмеген, өйткені Гентасепт жүйелік қолданбайтын препарат болып табылады, тек беткейлік әсер етеді және резорбциялық әсері жоқ.
Фармакодинамикасы
Гентасепт – жергілікті қолдануға арналған біріктірілген препарат, онда гентамицин сульфатының аминогликозиді, кремнийдің органикалық сорбенті – полиметилсилоксан (метоксан) және мырыштың триптофанмен қосылысы бар. Гентамицин сульфаты –әсер етуі кең ауқымды, бактерицидтік әсері бар, патогенді грамоң микроорганизмдерге – Staphylococcus aureus, streptococcus, Mycobacterium spp. және грамтеріс микроорганизмдер – Pseudomonas aeruginosa, Aerobacter aeruginosa, Escherichia coli, Proteus spp., Klebsiella spp., Serratia spp., Shigella spp., Salmonella spp., Citrobacter spp., Providenta spp., Yerinia spp қатысты белсенді антибиотик. Полиметилсилоксан сіңіру-уытсыздандыру қасиетін қамтамасыз етеді және мырыш пен триптофанмен бірге антибиотиктің бактерияларға қарсы әсерін күшейтеді және жарада антибиотиктің микробқа қарсы концентрациясын сақтайды. Гентасепт препаратымен аппликациялық ем жарадағы микроорганизмдер мөлшерін 2-3 тәулікте төмендетеді, гидратация кезеңінің дегидратация кезеңіне ауысуын тездетеді, пайда болуы мүмкін іріңді-сепсистік асқынулардың дамуына жол бермейді. Сіңіру қасиеттерінің арқасында препарат микроорганизмдер тіршілігінің уытты өнімдерін, тіндердің төмен молекулалы уытты метаболиттерін (пирожүзім және сүт қышқылын, асқын тотық қосылыстарын,амин қышқылдарының тотығу өнімдерін, полипептидтерді, липидтерді және т.б.), фибриннің дегидратация өнімдерін сіңіріп алады. Гентасепт препараты, құрамына кіретін гентамицин есебінен, микроорганизмдер ақуызы синтезін бәсеңдетеді, тасымалдаушы және матрицалық РНҚ кешенінің түзілуіне кедергі жасайды, цитоплазмалық жарғақшаның бөгегіш қызметін бұзады және микроорганизмдердің қырылуын туындатады. Гентасепт, бактерияларға қарсы қасиеттерінің, дренаждау және ісінуге қарсы әсерінің, жарада микроциркуляцияны, газ алмасуын, рН ортасын қалыпқа келтіру нәтижесінде, жергілікті (резорбциялық әсерге ие емес) уыттанудың білінуін азайтады. Бұл жараның экссудация және тіндердің ыдырау өнімдерінен тазаруына, жергілікті қабыну реакцияларының жоғалуына мүмкіндік береді, соның арқасында грануляциялық тіндердің өсуі стимуляцияланады, жазылу үдерісі жақсарады, келлоидты тыртықтардың пайда болуына жол берілмейді. Гентасепт сондай-ақ күйіктерде жараны тазартады, оларды емдеген кезде қабыну реакцияларын азайтады,терең күйіктерде грануляциялық жабындардың түзілуін және беткейлік күйіктерде эпителизацияны жылдамдатады, жараларды аутодермопластикаға сапалы дайындауға мүмкіндік береді.
Қолданылуы
Препаратқа сезімтал қоздырғыштар жұқтырған жараларды емдеуге:
- инфекция жұққан хирургиялық жараларда (операциядан кейінгііріңдеулерде, флегмоналарда, абсцестерде)
- орналасуы және генезі әртүрлі, инфекция жұққан жарақаттану жаралары
- веналардың созылмалы жеткіліксіздігі, облитерациялаушы атеросклероз, аяқтардағы беткейлік веналардың тромбофлебиттері аясында пайда болатын трофикалық ойық жараларда
- II және III А-III Б дәрежедегі күйіктерде
- тілме қабынудың алуан түрлерінде
- ойылуларда
- регенеративті үдерістер төмендейтін түрлі аурулары бар (қант диабеті,иммун тапшылығы, сәулемен зақымданған) пациенттердегі жараларда
- ауқымды іріңді үдерістерде сепсистің кешенді профилактикасы
- жараларды экссудация және тіндердің ыдырау өнімдерінен өте тез тазалау, жазылу үдерісін жақсарту есебінен келлоидты тыртықтардың түзілуінің алдын алуға.
Қолдану тәсілі және дозалары
Гентасепт жергілікті қолданылады.
Бастапқы кезеңдерде (1-5 күн) таңғышты тәулігіне 1-2 рет ауыстырады, қабыну үдерістері азайғаннан кейін, жаралар іріңді-некроздық массадан тазарғаннан кейін, жаралардың грануляциясы және эпителизациясы пайда болғаннан кейін – 1-2 тәулік ішінде 1 рет. Гентасептті, жараны мұқият хирургиялық өңдеп, антисептик ерітінділерімен шайып, кейіннен міндетті түрде кептіріп, жараның бетіне қақпағы ашылған тамызғыш-тығын (тығындағы тесік) арқылы, жараның беті біркелкі (0,5-
Күйіктерді емдеу үшін Гентасептті алғашқы 5-6 тәулікте де, сондай-ақ күйік қабыршағының секвестрленуі кезеңінде де (15 тәулікке дейін) күйген беткейге жағады. Мұндайда препарат жараға асептикалық таңғыштың жәрдемімен бекітіледі.
Жараларды хирургиялық өңдеуден толық көлемде өткізу мүмкін болмаған жағдайларда, Гентасепт препаратын зақымдану аумағына байланысты жараға 0,5-4 г дозада себеді және 24 сағаттан аспайтын уақытқа таңғыш салынады.
Балалар
Гентасептті барлық жастағы балаларды емдеуде қолдануға болады, өйткені жүйелік қолданбайтын препарат болып табылады, тек беткейлік әсер етеді және резорбциялық әсері жоқ.
Жағымсыз әсерлері
- аллергиялық реакциялар (есекжем, жанаспалы дерматит, қышыну, эритема)
Қолдануға болмайтын жағдайлар
- гентамицин сульфатына және препараттың құрамына кіретін басқа да компоненттерге жоғары сезімталдық
Дәрілермен өзара әрекеттесуі
Гентасепт препаратының басқа дәрілік заттармен өзара әрекеттесуі зерттелген жоқ. Бактерицидтік әсері бар антибиотиктермен бірге жергілікті қолданған кезде әсері күшеюі мүмкін.
Айрықша нұсқаулар
Гентасептті жараның бетіне мұқият хирургиялық өңдеуден кейін ғана жағуға болады. Препарат таңғыштың жабысып қалуына және оларды алған кезде ауырсынудың пайда болуына жол бермейді.
Жергілікті қолданған кезде препарат жергілікті тітіркендіргіш әсер бермейді, дегенмен Гентасепттің көзге тиіп кетуіне жол беруге болмайды.
Препаратты ұзақ қолдану сезімтал емес микроорганизмдердің шамадан тыс өсуіне әкелуі мүмкін. Препаратты қолдану аясында тітіркену, сенсибилизация немесе суперинфекция дамығанда емдеуді тоқтатып, тиісті ем тағайындау керек.
Жүктілік және лактация кезеңі
Препаратты жүктілік немесе бала емізу кезеңінде қолдануға қатысты деректер жоқ. Гентасепт препаратын жүктілікнемесе бала емізу кезеңінде қолдану қажет болған жағдайда дәрігер оларды қолданудың пайда/қаупінің арақатынасын ескере отырып, кеңес беруі тиіс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: есекжем, жанаспалы дерматит, қышыну.
Емі: препаратты тоқтату; десенсибилизациялайтын ем жүргізу.
Шығарылу түрі және қаптамасы
2,0 г немесе 5,0 г препараттан пластик құтыда. 1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Түпнұсқалық қаптамасында, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Борщагов химиялық-фармацевтикалық зауыты» Ғылыми-өндірістік орталығы» жариялы акционерлік қоғамы
Украина, 03134, Киев қ-сы, Мир к-сі, 17.
Тіркеу куәлігінің ұстаушысы
«Борщагов химиялық-фармацевтикалық зауыты» Ғылыми-өндірістік орталығы» жариялы акционерлік қоғамы», Украина
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Қазақстан Республикасындағы «Борщагов химиялық-фармацевтикалық зауыты» Ғылыми-өндірістік орталығы» жариялы акционерлік қоғамы» өкілдігі
050063, Алматы қ., Әуезов ауданы, «Жетісу-3» ы.а., 25 үй, 27 кеңсе
Тел/Факс: +7(272) 313-23-34;
E-mail: vadimt58@list.ru