Сипаттама
Дәрілік затты медициналық қолдану
жөніндегі нұсқаулық (Қосымша парақ)
Саудалық атауы
Ихтиол
Халықаралық патенттелмеген атауы
Жоқ
Дәрілік түрі, дозасы
Ректальді суппозиторийлер, 200 мг
Фармакотерапиялық тобы
Несеп-жыныс жүйесі және жыныс гормондар. Гинекологиялық ауруларды емдеуге арналған басқа препараттар
АТХ коды G02CX
Қолданылуы
Кешенді ем құрамында:
- сальпингоофоритте, эндометритте
- простатитте
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші затқа немесе кез келген қосымша заттарға аса жоғары сезімталдық
- 18 жасқа дейінгі балалар мен жасөспірімдер
Қолдану кезінде қажетті сақтық шаралары
Егер емдеуден кейін жақсару туындамаса, немесе симптомдары үдесе немесе жаңа симптомдар пайда болса, дәрігермен кеңесу қажет.
Препаратты қолдану нұсқаулығында көрсетілген көрсеткіштерге, қолдану тәсіліне және дозаларға сәйкес ғана қолданыңыз.
Басқа дәрілік препараттармен өзара әрекеттесуі
Йод тұздары, алкалоидтар, ауыр металдар тұздары бар ерітінділерде сыйымсыз.
Арнайы ескертулер
Жүктілік және лактация кезеңі
Жүктілік және лактация кезеңінде сақтықпен қолдану керек. Қолданар алдында дәрігерден кеңес алу қажет.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Көлік құралдарын немесе қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Дозалау режимі
Ересектерге тәулігіне 1-2 рет 1 суппозиторийден тағайындайды.
Енгізу әдісі және жолы
Ректальді. Қолданар алдында суппозиторийді пішінді қаптамадан босатады. Суппозиторийді тазарту клизмасынан немесе ішектің өздігінен босатылғанынан кейін тік ішекке енгізеді.
Емдеу ұзақтығы
Ихтиол препаратымен емдеу курсының ұзақтығын емдеуші дәрігер анықтайды.
Артық дозаланған жағдайда қолданылуы қажет шаралар
Осы уақытқа дейін артық дозалану жағдайлары туралы хабарланбаған.
Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар
Егер Сізде осы препаратты қолдану бойынша қосымша сұрақтар туындаса, дәрігерге немесе мейірбикеге кеңес алу үшін хабарласыңыз.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиілігі белгісіз:
- жергілікті аллергиялық реакциялар, артқы өтіс аймағындағы ашытып күйдіруді сезіну
Егер нұсқаулықта көрсетілген жағымсыз реакциялардың кез келгені үдесе немесе нұсқаулықта көрсетілмеген кез келген басқа реакциялар байқалса, бұл туралы дереу дәрігерге хабарлау керек.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ
http://www.ndda.kz
Қосымша мәліметтер
Құрамы
Бір суппозиторийдің құрамында
белсенді зат – ихтаммол (ихтиол), 200 мг (аммиакқа шаққанда – 5.13 мг),
қосымша заттар: тазартылған су, эмульгатор Т-2, қатты май (Витепсол (H 15, W 35 маркалары), Суппосир (NA 15, NAS 50 маркалары)).
Сыртқы түрінің, иісінің, дәмінің сипаттамасы
Торпедо тәрізді түрдегі, күңгірт-қоңырдан қара-қоңыр түске дейінгі, өзіне тән иісі бар суппозиторийлер. Суппозиторий беткейінде өңездің пайда болуына және кесікте әуе өзекшесі мен шұңқыр тәрізді ойықтардың болуына жол беріледі.
Шығарылу түрі және қаптамасы
Алюминий/полиэтилен екі қабатты үлбірден жасалған пішінді ұяшықты қаптамаға 5 суппозиторийден салынған.
2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Нижфарм» АҚ, Ресей Федерациясы
603950, Нижний Новгород қ.,
Салганская к-сі, 7
тел.: (831) 278-80-88
факс: (831) 430-72-28
e-mail: med@stada.ru
Тіркеу куәлігінің ұстаушысы
«Нижфарм» АҚ, Ресей Федерациясы
603950, Нижний Новгород қ.,
Салганская к-сі, 7
тел.: (831) 278-80-88
факс: (831) 430-72-28
e-mail: med@stada.ru
Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Нижфарм» АҚ Өкілдігі
050043, Қазақстан Республикасы,
Алматы қ., Хан-Тәңірі ы/а, 55б
тел.: (727) 2222-100
факс: (727) 398-64-95
e-mail: almaty@stada.kz
