Хондрофлекс 50 мг/г 30 г мазь
Тауарлардың көрінісі фотосуретте көрсетілгеннен өзгеше болуы мүмкін

Хондрофлекс 50 мг/г 30 г мазь

1999
Қолжетімділігі
Сатылымда бар
Үлгі
4820135261383
Елі
Украина
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Хондрофлекс

Саудалық атауы

Хондрофлекс

Халықаралық патенттелмеген атауы

Жоқ

Дәрілік түрі

Сыртқа колдануға арналған жақпамай 5 % - 30 г

1 г препараттың құрамы:

белсенді зат - хондроитин сульфаты 50 мг

қосымша заттар: диметилсульфоксид, ланолин, ақ жұмсақ парафин, тазартылған су.

Сипаттамасы

Спецификалық иісі бар ашық-сары түсті жақпамай.

Сыртқы көрінісі бойынша жақпамай бір текті болуы тиіс.

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Қабынуға қарсы және ревматизмге қарсы стероидты емес басқа препараттар. Хондроитин сульфаты

АТХ коды М01АХ25

Фармакологиялық қасиеттері

Фармакокинетикасы

Хондроитин сульфаты молекулалық массы 20000 – 30000 жоғары молекулалы мукополисахарид болып табылады. Қан плазмасындағы ең жоғарғы концентрацияға қолданғаннан кейін 3-4 сағаттан соң, синовиальді сұйықтықта – 4-5 сағаттан соң жетеді. Биожетімділігі - 13%. Негізінен 24 сағат ішінде бүйрек арқылы шығарылады.

Фармакодинамикасы

Кешенді препараттың негізгі әсер етуші заты хондроитин сульфаты. Бұл зат шеміршек тініндегі фосфор-кальций алмасуына ықпал етеді, сүйек тінінің резорбциясын баяулатады, шеміршек тінінің дегенерация үдерісін тежейді, дәнекер тіннің тығыздалуына кедергі жасайды және буын беткейлерінің майлануында рөл атқарады. Буын сұйықтығының өнімін қалпына келтіреді, буындар қозғалғыштығын жақсартады, сүйек және шеміршек тінінің негізгі затының қайта өндірілуіне қатысады. Сыртқа қолданғанда препарат остеоартроздың өршуін баяулатады, зақымданған буындарда қабыну мен ауыруды азайтады.

Қолданылуы

Буынның және омыртқа бағанының дегенеративті-дистрофиялық аурулары (көбінесе жергілікті формалары): остеоартроз, остеохондроз.

Қолдану тәсілі және дозалары

Препарат сыртқа қолдануға арналған. Жақпамайды қабыну ошағына жұқа қабатпен жағады және теріге толық сіңгенге дейін 2-3 минут бойы ысқылайды. Тәулігіне 2-3 рет жағуды қайталайды. Емдеу курсының ұзақтығы емнің тиімділігі мен жағуына байланысты жекелей анықталады. Ол, әдетте, 2-3 аптаны құрайды.

Ұсынылған дозалардан асыруға және емдеу ұзақтығын ұлғайтуға болмайды.

Жағымсыз әсерлер

- қышынуды, шымылдатуды, бөртпені, гиперемияны қоса, аса жоғары сезімталдық реакциялары

- тері жабындарының қызаруы, есекжем, экзема, қышынумен және/немесе ісінумен қатар жүретін немесе қатар жүрмейтін макулопапулезді бөртпе

- жүрек айнуы, құсу, эпигастрий тұсындағы ауыру, метеоризм, диарея, іш қатуы

- иммундық жүйе тарапынан болатын бұзылыстар

Өте сирек

- ангионевроздық ісіну жағдайлары

Қолдануға болмайтын жағдайлар

- препарат компоненттеріне жекелей жоғары сезімталдық

- тромбофлебит, қанауға бейімділік, препарат жаққан жердегі жедел қабыну үдерістері

- жүктілік және лактация кезеңі

- 18 жасқа дейінгі балалар

- фенилкетонурия

Дәрілермен өзара әрекеттесуі

Препаратты сыртқа қолданғанда оның басқа дәрілік заттармен өзара әрекеттесуі анықталмады.

Айрықша нұсқаулар

Препаратты ашық жараға, көзге және шырышты қабықтарға тигізбей терінің зақымданған аумақтарына жағу керек.

Жүктілік немесе бала емізу кезеңінде қолдану.

Препаратты жүктілік немесе бала емізу кезеңінде қолдануға болмайды.

Дәрілік препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ықпал етпейді.

Артық дозалануы

Артық дозалану ықтималдығы аз. Жақпамайды қолданған жерде терінің тітіркену симптомдары пайда болғанда емді тоқтату керек.

Шығарылу түрі және қаптамасы

30 г препараттан алюминий сықпаларда. 1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Түпнұсқалық қаптамада 250С-ден аспайтын температурада.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

"Тернофарм" ЖШҚ

Украина, Тернополь қ-сы,

Фабричная к-сі, 4;

тел./факс: +38 (0352) 521-444

www.ternopharm.com.ua

Тіркеу куәлігінің ұстаушысы

"Тернофарм" ЖШҚ Тернополь қ-сы, Украина

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

Юстын Мария Ивановна

Украина, Тернополь қ-сы, Фабричная к-сі, 4;

тел./факс: +38 (0352) 521-444

Ұялы телефон: 87470126972

E-mail: ternopharm@ternopharm.com.ua

Дәріханалар

Тауар артығымен бар
Тауар аз қалды
Аптека №86
Торетам ул Коркыт Ата 2/1
09:00-21:00