Нейромидин 0,5%, 1 мл, №10, амп.

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Нейромидин^® (Neiromidin^®)

Халықаралық патенттелмеген атауы

Ипидакрин

Дәрілік түрі, дозалануы

Бұлшықет ішіне және тері астына енгізуге арналған ерітінді

5 мг/мл; 15 мг/мл

Фармакотерапиялық тобы

Жүйке жүйесі. Психоаналептиктер. Деменцияға қарсы препараттар. Антихолинэстеразалық препараттар. Ипидакрин

АТХ коды N06DA05

Қолданылуы

Кешенді ем құрамында

- шеткері жүйке жүйесі аурулары (неврит, полиневрит, полиневропатия, полирадикулоневропатия, миастения және түрлі этиологиядағы миастениялық синдром)

- орталық жүйке жүйесі аурулары: бульбарлы салдану және парездер

- қозғалыстың бұзылуымен қатар жүретін, орталық жүйке жүйесінің органикалық зақымдануы кезіндегі қалпына келу кезеңі

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттарының кез келгеніне жоғары сезімталдық

- эпилепсия

- гиперкинезі бар экстрапирамидтік аурулар

- стенокардия

- айқын брадикардия

- бронх демікпесі

- ішектің немесе несеп шығаратын жолдың бітелуі

- вестибулярлық бұзылыстарға бейімділік

- асқыну сатысындағы асқазан немесе он екі елі ішектің ойық жаралы ауруы

- жүктілік және емшек емізу кезеңі

- 18 жасқа дейінгі балалар мен жасөспірімдер (дәрілік заттың балаларда қауіпсіздігін зерттеу бойынша адекватты зерттеулер жүргізілген жоқ).

Қолдану кезіндегі қажетті сақтандыру шаралары

Ерекше сақтық шаралары қажет емес.

Басқа дәрілікпрепараттармен өзара әрекеттесуі

Нейромидин орталық жүйке жүйені бәсеңдететін дәрілермен біріктірілімде тыныштандыратын әсерді күшейтеді. Басқа холинэстераза тежегіштерімен және м-холиномиметикалық дәрілермен бірге қолданған кезде әсері және жағымсыз әсерлері күшейеді.

Myasthenia gravis бар науқастарда басқа холиномиметикалық дәрілерді қолдану аясында холинергиялық криздің даму қаупі артады.

Егер Нейромидинмен емдеуді бастағанға дейін ß-адреноблокаторлар қолданылса, брадикардияның даму қаупі артады.

Церебролизин препараттың тиімділігін арттырады.

Нейромидин жергілікті анестетиктердің, антибиотиктердің әсерін төмендетеді.

Алкоголь препараттың жағымсыз әсерлерін күшейтеді.

Арнайы сақтандырулар

Асқазан мен он екі елі ішектің ойық жаралы ауруы, тиреотоксикозда, жүрек-қантамыр жүйесі ауруларында, сондай-ақ анамнезінде тыныс алу жолдарының аурулары бар пациенттерге немесе тыныс алу жолының жедел ауруларында сақтықпен тағайындау керек.

Педиатрияда қолданылуы

Осы дәрілік затты 18 жасқа дейінгі балалар мен жасөспірімдерде қолдану қауіпсіздігі осы уақытқа дейін дәлелденген жоқ.

Жүктілік немесе лактация кезінде

Препарат жатырдың тонусын күшейтеді және мерзімінен бұрын босануды туындатуы мүмкін, сондықтан жүктілік кезінде қолдануға болмайды.

Бұл дәрілік затты емшек емізу кезеңінде қолдануға болмайды.

Препараттың көлік құралын немесе қауіптілігі зор механизмдердібасқару қабілетіне әсер ету ерекшеліктері

Нейромидин тыныштандыратын әсер етуі мүмкін, сондықтан орталық жүйке жүйесінің тарапынан жағымсыз құбылыстар байқалатын адамдарда, мысалы, ұйқышылдық, көлік құралын басқарудан тартынған жөн.

Қолдану жөніндегі нұсқаулар

Дозалану режимі

Шеткері жүйке жүйесінің аурулары:

- түрлі генездегі моно- және полиневропатия: күніне 1-2 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшық ет ішіне немесе тері астына, емдеу курсы – 10-15 күн (ауыр жағдайда – 30 күнге дейін). Одан әрі емдеуді препараттың таблетка түрінде жалғастырады.

- миастения және миастениялық синдром: күніне 1-3 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшықет ішіне немесе тері астына, әрі қарай препараттың таблетка түріне көшеді. Жалпы емдеу курсы 1-2 айды құрайды. Қажет болған жағдайда емдеуді курстар арасында 1-2 ай үзіліс жасап, бірнеше рет қайталауға болады.

Орталық жүйке жүйесінің аурулары:

- бульбарлы салдану және парездер: күніне 1-2 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшықет ішіне немесе тері астына, емдеу курсы – 10-15 күнді құрайды. Одан әрі мүмкіндік болса препараттың таблетка түріне көшеді.

- орталық жүйке жүйесінің органикалық зақымдануы кезінде қалпына келу кезеңі: күніне 1-2 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшықет ішіне 15 күнге дейін. Одан әрі мүмкіндік болса препараттың таблетка түріне көшеді.

Енгізу әдісі және жолы

Нейромидин 5 мг/мл және Нейромидин 15 мг/мл инъекцияға арналған ерітінділерін бұлшық ет ішіне немесе тері астына енгізеді.

Емдеу ұзақтығы

Дозасын және емдеу ұзақтығын аурудың ауырлық деңгейіне байланысты жеке анықтайды.

Артық дозалану жағдайында қабылдау қажет болатын шаралар

Ауыр артық дозалану кезінде мынадай симптомдармен «холинергиялық криздің» дамуы мүмкін: бронх түйілуі, көзден жас ағу, қатты тершеңдік, қарашықтардың тарылуы, нистагм, өздігінен болатын дефекация және несеп шығару, құсу, брадикардия, жүрек блокадасы, аритмия, гипотензия, мазасыздық, үрей, қозу, қорқыныш сезімі, атаксия, түсініксіз сөйлеу, ұйқышылдық, әлсіздік, конвульсия және кома. Симптомдары әлсіз байқалуы мүмкін.

Емі: симптоматикалық ем, м-холиноблокаторларды пайдаланады: атропин, тригексифенидил, метацин және басқалары.

Дәрілік препараттың бір немесе бірнеше дозасын өткізіп алғанда қажетті шаралар

Егер кезекті доза енгізілмесе, оны мүмкіндігінше тезірек, бірақ тағайындалған бір реттік дозадан асырмай енгізу керек. Жіберіп алған дозаны алмастыру үшін қосарлы дозаны енгізуге болмайды.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

- гиперсаливация, жүрек айнуы

- жүректің қағуы, брадикардия

- қатты тершеңдік

Жиі емес

- үлкен дозаларда қабылдағаннан кейін бронх секретінің көп бөлінуі

– бас айналуы, бас ауыруы, әлсіздік, ұйқышылдық, бұлшықет құрысулары, терінің аллергиялық реакциялары (қышыну, бөртпе), құсу

Сирек

- эпигастриядағы ауыруы, іштің өтуі

Белгісіз (қолда бар деректер бойынша анықтау мүмкін емес)

- бронх түйілуі

- аса жоғары сезімталдық реакциялары (аллергиялық дерматитті, анафилаксиялық шокты, демікпені, уытты эпидермальді некролизді, эритеманы, есекжемді, ысқырып демалуды, жұтқыншақтың ісінуін, инъекция орнындағы бөртпені қоса)

Сілекейдің ағуы мен брадикардияны м-холиноблокаторларымен төмендетуге болады (атропин және т.б.).

Бұл жағдайда дозаны төмендетеді немесе препаратты қабылдауды қысқа уақытқа тоқтатады (1-2 күнге).

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл ерітіндінің (1 ампула) құрамында

белсенді зат: ипидакрин гидрохлориді (сусыз затқа шаққанда) 5 мг немесе 15 мг,

қосымша заттар: 1 М хлорсутек қышқылы, инъекцияға арналған су.

Сыртқы түрінің, иісінің, дәмінің сипаттамасы

Түссіз мөлдір сұйықтық.

Шығарылу түрі және қаптамасы

1 мл препараттан бейтарап шыны ампулаларға құйылады.

10 ампуладан поливинилхлоридті үлбірден жасалған пішінді ұяшықты қаптамаларға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«Софарма» АҚ,

Илиенско шосе к-сі № 16, София 1220, Болгария.

Тел.: +3592 405 5200, факс: + 3592 9360 286

Е-mail: mail@sopharma.bg

Тіркеу куәлігінің ұстаушысы

«Олайнфарм» АҚ

Рупницу к-сі 5, Олайне, LV-2114, Латвия

Тел.: +371 67013705, факс: +371 67013777

E-mail: olainfarm@olainfarm.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Олайнфарм» АҚ өкілдігі

050009 Алматы қ., Абай д-лы 151/115, 807-кеңсе

Телефон / факс +7 727 333 46 52

E-mail: olainfarm.instr@mail.ru

Қалалар