Сипаттама
Дәрілік затты медициналық қолдану
жөніндегі нұсқаулық
ШЫРҒАНАҚМАЙЫ
Саудалық атауы
Шырғанақ майы
Халықаралық патенттелмеген атауы
Жоқ
Дәрілік түрі
Ректальді суппозиторийлер 500 мг
Құрамы
Бір суппозиторийдің құрамында
белсенді зат – шырғанақ майының концентраты (құрамындағы каротиноидтар жиынтығы β-каротинге шаққанда кемінде 240 мг %) - 500 мг.
қосымша заттар: суппозиторийлерге арналған негіз: қатты май - салмағы 2000 мг суппозиторий алу үшін жеткілікті мөлшерде.
Сипаттамасы
Цилиндрконус пішінді, ашық-сарыдан қою-қызылсары түске дейінгі, беткейі күңгірт және/немесе жылтыр суппозиторийлер. Кесіндісінде ауа және кеуекті стержень мен шүңгіме тәрізді ойықтың болуына жол беріледі.
Фармакотерапиялық тобы
Геморрой мен артқы өтіс сызаттарын емдеу үшін жергілікті қолдануға арналған басқа да дәрілер.
АТХ коды: С05АХ
Фармакологиялық қасиеттері
Фармакокинетикасы
Шырғанақ майының әсері итшомырт шырғанақ жемістерінен алынған экстрактінің биологиялық белсенді компоненттерінің жиынтық әсері болып табылады, сондықтан кинетикалық зерттеулер жүргізу мүмкін емес.
Фармакодинамикасы
Шырғанақ майы – каротин мен каротиноидтардың, токоферолдардың, хлорофилдік қосылыстардың, олеин, ленолен, пальмитин және стеарин қышқылдарының глицеридтерінің қоспасы. Биологиялық белсенді заттардың кешені тік ішектің шырышты қабығының шығу тектері әр түрлі зақымданулары кезіндегі репаративтік үдерістерді стимуляциялайды. А дәрумені эпителий жасушаларындағы митоздар саныны арттырады және оларда кератогиалиннің жинақталуына кедергі келтіреді. Ретинол мен оның туындылары эпителизацияны стимуляциялайды және эпителийдің шамадан тыс мүйізденуін болдырмайды. А дәрумені РНҚ мен сульфатталған мукополисахаридтердің синтезіне ықпал ететін, жасуша жарғақшаларының өткізгіштігінде маңызды рөл атқаратын эпителий жасушаларының табиғи құрамдас бөлігі болып табылады.
Қолданылуы
- геморройда, артқы өтіс сызаттарында, тік ішектің ойық жараларында
- спецификалық емес проктиттер мен проктосигмоидиттерде
- артқы өтіске, жуан және тік ішекке жасалған операциялардан кейінгі жағдайларда
- жуан ішектің төменгі бөліктерінің шырышты қабығының сәулемен зақымдануында
Қолдану тәсілі және дозалары
Ректальді. Суппозиторийлер пішінді қаптамасынан босатылып алынады және ішек босағаннан кейін артқы өтіске тереңірек енгізіледі. Ересектер мен 6 жастан асқан балаларға 10-15 күн бойы күніне 1-2 рет бір суппозиторийден тағайындайды. Ауыр жағдайларда емдеу курсын жалғастыруға болады.Қажет болса, 4-6 аптадан соң емдеу курсын қайталауға болады.
Жағымсыз әсерлері
- аллергиялық реакциялар
- артық өтіс аймағының ашытып күйдіру сезімі
Қолдануға болмайтын жағдайлар
- препарат компоненттеріне аса жоғары сезімталдық
- диарея
- 6 жасқа дейінгі балаларға
Дәрілермен өзара әрекеттесуі
Жергілікті қолданғанда басқа дәрілік заттармен клиникалық тұрғыдан маңызды өзара әрекеттесулері сипатталған жоқ.
Айрықша нұсқаулар
Жоғары сезімталдығы бар және аллергия дамуына бейім адамдарға сақтықпен қолдану керек.
Жүктілік және бала емізу
Жүктілік және бала емізу кезеңінде қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне әсері туралы жеректер жоқ.
Артық дозалануы
Артық дозалану жағдайлары сипатталмаған.
Шығарылу түрі және қаптамасы
5 суппозиторийден полиэтиленмен ламинацияланған поливинилхлорид үлбірден жасалған пішінді ұяшықты қаптамада. 2 пішінді ұяшықты қаптама мемлекеттік және орыс тілдеріндегі қолдану жөніндегі нұсқаулықпен бірге картоннан жасалған қорапшаға салынған.
Сақтау шарттары
Құрғақ, жарықтан қорғалған жерде, 15 °С-ден 25 °С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды
Дәріханалардан босатылу шарттары
Рецептісіз
Өндіруші
«ФАРМАПРИМ» ЖШҚ
Кринилор к-сі, 5, Порумбень а., Криулень ауд.,
Молдова Республикасы, MD-4829
Тіркеу куәлігінің иесі
«ФАРМАПРИМ» ЖШҚ, Молдова Республикасы
Қазақстан Республикасы аумағында тұтынушылардан өнім (тауар), дәрілік заттың тіркеуден кейінгі қауіпсіздігінің қадағалануы жөніндегі шағымдардықабылдайтын ұйымның мекенжайы:
Қазақстан Республикасындағы «ФАРМАПРИМ СРЛ» фирмасының өкілдігі, Алматы қ., Гоголь к-сі, 86, 528 кеңсе, тел. 8-727-2796518, tatiana.abdulkhairova@farmaprim.md
