Пантаз 40 мг, №10, табл.

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Пантаз

Халықаралық патенттелмеген атауы

Пантопразол

Дәрілік түрі, дозалануы

Ішекте еритін қабықпен қапталған таблеткалар, 40 мг

Фармакотерапиялық тобы

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагеальді рефлюкс (gastro-oesophageal reflux disease - GORD) ауруын емдеуге арналған препараттар. Протонды сорғы тежегіштері. Пантопразол.

АТХ коды A02BC02

Қолданылуы

Дәрілік препарат ересектер мен 12 жастан асқан балаларда қолдануға арналған:

- рефлюкс-эзофагит

Ересектерге:

- бактерияға қарсы препараттармен біріктірілімде Helicobacter pylori эрадикациясы

- асқазан мен он екі елі ішектің ойық жара ауруы

- Золлингер-Эллисонсиндромы немесе басқа да асқазанныңпатологиялық гиперсекрециясымен сипатталатын жай-күйлерде

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- пантопразолға, басқа орынбасқан бензимидазолдарға немесе қосымша заттардың кез келгеніне аса жоғары сезімталдық

- пантопразолды атазанавирмен бірге қолдану

- жүктілік және емшек емізу кезеңі

-12 жасқа дейінгі балалар мен жасөспірімдер

Қолдану кезіндегі қажетті сақтандыру шаралары

Адамның иммунтапшылық вирусы (АИТВ) протеазасының тежегіштерімен бірге қолдану

Пантопразолды, олардың биожетімділігі төмендеуіне байланысты сіңірілуі қышқылды асқазан ішілік pH-ортасына байланысты болатын АИТВ протеаза тежегіштерімен (атазанавир сияқты) қолдану ұсынылмайды.

Басқа дәрілік препараттармен өзара әрекеттесуі

Сіңірілу фармакокинетикасы рН-тәуелді дәрілік заттар.

Сіңірілуі рН-тәуелді болып табылатын препараттармен, мысалы кетоконазол, итраконазол, позаконазол сияқты азолдардың кейбір туындыларымен және эрлотиниб сияқты басқа да препараттармен бір мезгілде қабылдауға назар аудару керек.

АИТВ протеаза тежегіштері

Пантопразолды сіңірілуі рН-тәуелді (мысалы, атаназавир) болып табылатын АИТВ протеаза тежегіштерімен олардың биожетімділігінің едәуір төмендеуіне байланысты бірге қолдану ұсынылмайды.

АИТВ протеаза тежегіштерін және протонды помпа тежегіштері қалай болғанда да бірге қолдану қажет болып табылса, мұқият клиникалық бақылау жүргізу ұсынылады (мысалы, вирус жүктемесін анықтау). Пантопразол дозасы мұндай жағдайларда тәулігіне 20 мг-ден аспауы тиіс. Сондай-ақ АИТВ протеаза тежегіштері дозасын түзету қажет етілуі мүмкін.

Кумариндік антикоагулянттар (варфарин немесе фенпрокумон)

Пантопразолды фенпрокумон немесе варфаринмен бірге қолданғанда соңғылардың фармакокинетикасына әсері анықталмаған. Дегенмен, протонды помпа тежегіштерін варфаринмен немесе фенпрокумонмен қабылдаған пациенттерде халықаралық қалыптасқан қатынастың (ХҚҚ)және протомбиндік уақыттың ұзару жағдайлары белгілі болғандығын атап өту керек. ХҚҚ және протомбиндік уақыттың ұзаруы өмірге қауіпті патологиялық қан кетуге әкелуі мүмкін. Осыған байланысты, мұндай пациенттер ХҚҚ және протомбиндік уақыттың ұзаруын дер кезінде анықтау мақсатында дәрігердің бақылауында болулары тиіс.

Метотрексат

Жоғары дозаларда (мысалы, 300 мг) протонды помпа тежегіштерімен бір мезгілде қолданғанда кейбір пациенттерде қандағы метотрексат деңгейінің жоғарылағаны туралы хабарлар бар. Сондықтанметотрексаттың жоғары дозаларын, мысалы, псориазда қатерлі жаңа түзілулері бар пациенттерге пайдаланғанда пантапразолды уақытша тоқтату туралы мәселені қарастыру қажеттілігі туындауы мүмкін.

Басқа да дәрілермен өзара әрекеттесу зерттеулері

Пантопразол P450 цитохромы ферменттік жүйесінің көмегімен бауырда белсенді метаболизденеді. Метаболизмнің негізгі жолы CYP2C19 изоферменті көмегімен деметилдену болып табылады, метаболизмнің басқа жолдары арасында CYP3A4 изоферментінің көмегімен тотығу атап өтіледі.

Арнайы зерттеулер Пантаз кофеинмен, карбамазепинмен, диазепаммен, этанолмен, диклофенакпен, глибенкламидпен, напроксенмен, метопрололмен, нифедипинмен, фенитоинмен, пироксикаммен, теофиллинмен, құрамында левоноргестрел және этинилэстрадиол бар ішілетін контрацептивтермен клиникалық мәнді өзара әрекеттесулерін анықтамады.

Пантопразолдың сол ферменттік жүйенің көмегімен метаболизденетін басқа да дәрілік препараттармен немесе заттармен өзара әрекеттесуін жоққа шығаруға болмайды.

Өзара әрекеттесу бойынша түрлі зерттеу нәтижелері пантопразол CYP1A2 (мысалы, кофеин, теофиллин), CYP2C9 (мысалы, пироксикам, диклофенак, напроксен), CYP2D6 (мысалы, метопролол), CYP2E1 изоферменттері (мысалы, этанол) көмегімен метаболизденетін белсенді заттар метаболизміне әсер етпейтінін көрсетті. Пантопразол дигоксиннің p-гликопротеинге тәуелді сіңірілуін бұзбайды.

Антацидтермен бірге қолданғанда өзара әрекеттесулері анықталмаған. Кларитромицин, амоксициллин сияқты антибиотиктермен, метронидазолмен бір мезгілде қабылдағанда өзара әрекеттесуі анықталмаған.

CYP2C19 тежейтін немесе индукциялайтын препараттар

Флувоксамин сияқты CYP2C19 изоферменті белсенділігінің тежегіштеріпантопразолдың жүйелі әсерін арттыруы мүмкін. Пантаз дозасын төмендету пантопразолдың жоғары дозаларымен ұзақ емделіп жүрген пациенттерге немесе бауыр жеткіліксіздігі бар пациенттерге қажет болуы мүмкін.

Рифампицин және шайқурай (Hypericum perforatum) сияқты CYP2C19 және CYP3A4 изоферменттері белсенділігінің индукторлары плазмада осы ферменттік жүйенің көмегімен метаболизденетін протонды сорғы тежегіштерінің концентрациясын төмендетуі мүмкін.

Арнайы сақтандырулар

Бауыр жеткіліксіздігі

Бауыр функциясы ауыр бұзылған пациенттерде, Пантаз препаратын,әсіресе ұзақ кезең бойы қабылдағанда бауыр ферменттерінің деңгейіне жүйелі бақылау жүргізу керек. Бауыр ферменттерінің деңгейін арттырған кезде препарат қолдануды тоқтатқан жөн.

Біріктірілген ем

Біріктірілген ем жағдайында қолданылып отырған дәрілік заттардың қысқаша сипаттамасына сүйену қажет.

Асқазан обыры

Пантопразол асқазанның қатерлі жаңа түзілімдерін бүркемелеуі жәнедиагностиканы кідіртуі мүмкін.

Науқастар мынадай жағдайларда дәрігермен кеңесу қажет: дене салмағының еріктен тыс төмендеуі, анемия, асқазан-ішек жолынан қан кету, дисфагия, тұрақты құсу немесе қан құсу, бұл жағдайларда қатерлі үдерістің бар-жоғын анықтау керек.

Егер симптомдар адекватты емге қарамастан сақталатын болса, әрі қарай тексеру қарастырылуы тиіс.

В12 дәруменінің сіңуіне әсері

Золлингер-Эллисон синдромы немесе ұзақ емдеуді қажет ететін басқа да патологиялық гиперсекрециялық жағдайлары бар пациенттерде, пантопразоласқазанда қышқыл сөлінісін бөгейтін барлық препараттар сияқты гипо- немесе ахлогидрия салдарынан В12 дәруменінің (цианокобаламин) сіңуін азайтуы мүмкін. Мұны организмде осы дәруменнің қоры төмендеген пациенттерді емдегенде немесе В12 дәрумені тапшылығының даму қаупі факторлары бар пациенттерді ұзақ емдегенде, сондай-ақ тиісті клиникалық симптомдар байқалғанда ескерген жөн.

Препаратты ұзақ қолдану

Препаратты қабылдау ұзаққа созылған, әсіресе 1 жылдан асатын кезеңде, пациенттер үнемі бақылауда болулары тиіс.

Бактериялар туындатқан асқазан-ішек жолы инфекциялары

Пантаз барлық протонды сорғы тежегіштері сияқты, әдетте асқазан-ішек жолында болатын Salmonella, Campylobacter немесе C.difficile сияқты асқазан бактериялары мөлшерінің аздап ұлғаюына әкелуі мүмкін.

Барлық протонды сорғы тежегіштері (ПСТ) сияқты асқазан-ішек жолының жоғарғы бөлімдерінде бактериялардың санын арттырады деп күтуге болады.

Гипомагниемия

Үш айдан бір жылға дейінгі кезеңде протонды сорғы тежегіштерін қабылдаған пациенттерде ауыр гипомагниемия дамуы туралы хабарланған.

Гипомагниемияның шаршау, тетания, сандырақтау, құрысу, бас айналу сияқты күрделі көріністері және қарыншалық аритмия кенеттен немесе байқаусыз көрініс табуы мүмкін. Гипомагниемиясы бар көптеген пациенттердің жағдайы магниймен орын басу емін тағайындаған соң және протонды сорғы тежегіштерін тоқтатқаннан кейін жақсарған.

Ұзақ ем қабылдауы тиіс пациенттер немесе протонды сорғы тежегіштерін дигоксинмен немесе гипомагниемия туындатуы мүмкін дәрілік заттармен (мысалы, диуретиктер) бірге қабылдайтын пациенттерде протонды помпа тежегіштерімен емдеуді бастар алдында және емдеу кезінде мезгіл-мезгілмагний деңгейін анықтап отыру ұсынылады.

Сүйектердің сынуы

Протонды сорғы тежегіштерін, әсіресе жоғары дозаларда және ұзақ қолданғанда (> 1 жыл) көбіне егде жастағы адамдарда немесе қауіптің басқа факторлары болғанда жамбас, білезік және омыртқа бағаны сынуының туындау қаупін біршама арттыруы мүмкін. Зерттеу деректеріпротонды сорғы тежегіштері жалпы сынулар қаупін 10-40%-ға арттыруы мүмкін деп болжамдауға мүмкіндік береді. Кейбір қауіптер басқа да қауіп факторларымен байланысты болуы ықтимал. Остеопороз дамуына бейім пациенттер қолданыстағы клиникалық ұсынымдарға сәйкес емделіп, D дәрумені мен кальцийдің жеткілікті мөлшерін қабылдаулары тиіс.

Жеделге жуық жүйелі қызыл жегі (ЖҚЖ)

Протонды сорғы тежегіштері өте сирек жағдайларда жеделге жуық ЖҚЖ байланысты. Егер зақымдану, әсіресе терінің күн сәулесінен қорғалмаған жерлерінде орын алса немесе олар артралгиямен қатар жүретін болса, пациент дереу дәрігерлік көмекке жүгінуі тиіс. Жеделге жуық ЖҚЖ осының алдындағы протонды сорғы тежегіштерімен емдеуден кейін басқа протонды сорғы тежегіштерімен ЖҚЖ қаупін арттыруы мүмкін.

Зертханалық зерттеу нәтижелеріне әсері

Хромогранин А (CgA) деңгейінің жоғарылауы нейроэндокриндік жаңа түзілімдерге тексеріс жасауға кедергі болуы мүмкін. Бұл кедергіден аулақ болу үшін Пантаз препаратымен емдеуді хромогранин А (CgA) зерттелуі алдында ең кемі 5 күн бұрын тоқтату керек. Бастапқы зерттеуден кейін хромогранин А (CgA) деңгейі және гастрин деңгейі қалыпқа келмесе протонды сорғы тежегіштері емін тоқтатқаннан кейін талдауларды 14 күннен кейін қайталау керек.

Педиатрияда қолдану

12 жасқа толмаған балаларға Пантаз осы жас тобындағы қауіпсіздік пен тиімділік туралы мәліметтер шектеулі болғандықтан қолдану ұсынылмайды. Бүгінгі таңда асқазан және он екі елі ішек жарасы, H. Pylori эрадикациясы және Золлингер-Эллисон синдромы бар балалар мен 18 жасқа дейінгі жасөспірімдерде Пантаз препаратын қолдану туралы деректер жоқ.

Жүктілік немесе лактация кезінде

Жүктілік

Репродуктивті уыттылық туралы деректер бар. Сақтандыру шаралары ретінде жүктілік кезінде пайдаланылмауы керек.

Емшек емізу

Пантопразолдың емшек сүтімен бөлінетіні туралы деректер бар. Нәрестелер/балалар үшін қаупін жоққа шығаруға болмайды. Демек, емшек емізу кезінде әйелдерге қабылдауға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу мен көрудің бұзылуы даму мүмкіндігіне байланысты, көлік құралдарын және аса көңіл бөлуді қажет ететін басқа механизмдерді басқарудан бас тартқан жөн.

Қолдану жөніндегі нұсқаулар

Дозалану режимі

Рефлюкс-эзофагит

Ересектер мен 12 жастан асқан балаларға тәулігіне 1 таблетка, қажет жағдайларда дозаны тәулігіне 2 таблеткаға дейін арттыруға болады. Ұсынылатын емдеу курсы 4 апта, қажет болғанда емдеуді тағы 4 аптаға дейін ұзартуға болады.

Ересектер

Helicobacter pylori эрадикациясы

Helicobacter pylori эрадикациясына асқазан мен он екі елі ішектің ойық жарасы бар пациенттерде біріктірілген ем арқылы қол жеткізуге болады. Бактериялардың резистенттілігіне және бактерияға қарсы препараттарды тиісінше пайдалану мен тағайындауға қатысты ресми нұсқаулықтарды (мысалы, ұлттық ұсыныстарды) ескеру керек. Резистенттіліктің сипатына байланысты, келесі біріктірілімдерді H. Pylori емдеу үшін ұсынуға болады:

1. Пантаз 40 мг-ден тәулігіне 2 рет + амоксициллин 1000 мг-ден тәулігіне 2 рет + кларитромицин 500 мг-ден тәулігіне 2 рет

2. Пантаз 40 мг-ден тәулігіне 2 рет + метронидазол 400 - 500 мг-ден тәулігіне 2 рет (немесе 500 мг тинидазол) + кларитромицин 250 - 500 мг-ден тәулігіне 2 рет

3. Пантаз 40 мг-ден тәулігіне 2 рет + амоксициллин 1000 мг-ден тәулігіне 2 рет + метронидазол 400 - 500 мг-ден тәулігіне 2 рет (немесе 500 мг тинидазол).

H. pylori эрадикациясы үшін біріктірілген ем жағдайында екінші таблетка кешкі ас ішерге 1 сағат қалғанда қабылдануы керек.

Біріктірілген ем 7 күн бойы жүргізіледі және тағы 7 күн жалғастырылуы мүмкін (жалпы емдеу ұзақтығы 2 аптаға дейін).

Әрі қарай емдеу препаратты он екі елі ішектің және асқазанның ойық жарасында дозалау жөніндегі нұсқауларды қарастырғаннан кейін болуы мүмкін.

Пантаз монотерапияда H. рylori-ге теріс нәтиже берген пациенттерде келесі дозалар пайдаланылуы мүмкін.

Асқазанның ойық жара ауруын емдеу

Тәулігіне 40 мг, кейбір жағдайларда, соның ішінде емдеу тиімсіз болғанда, Пантаз тәулігіне 80 мг-ден тағайындауға болады. Асқазанның ойық жарасын емдеуге қажетті емдеу курсы 4 апта. Егер бұл жеткіліксіз болса, жақсаруына әдетте келесі 4 апта ішінде қол жеткізілуі мүмкін.

Он екі елі ішектің ойық жарасын емдеу

Тәулігіне 40 мг, кейбір жағдайларда, соның ішінде емдеу тиімсіз болғанда, Пантаз тәулігіне 80 мг-ден тағайындауға болады, онда жазылуға әдетте емдеудің келесі 2 аптасында қол жетеді. Егер 2 апталық емдеу кезеңі жеткіліксіз болса,жақсаруға барлық жағдайларда келесі 2 апта ішінде дерлік қол жеткізілуі мүмкін.

Золлингер-Эллисон синдромы және басқа да патологиялық гиперсекрециялық жағдайлар

Золлингер-Эллисон синдромын немесе басқа да патологиялық гиперсекрециялық жағдайларды ұзақ емдеу үшін емдеуді 80 мг тәуліктік дозадан (40 мг-ден 2 таблетка) бастаған жөн. Содан соң, қажет болғанда дозаны асқазан сөлінің бөліну көрсеткіштеріне байланысты арттыруға немесе азайтуға болады.

Күніне 80 мг асатын дозаларды бөліп, күніне екі рет қолдану керек.

Пантопразол дозасын 160 мг-ден уақытша арттыруға болады, бірақ ол асқазан сөлінің бөлінуін жеткілікті бақылауға жету үшін талап етілетіннен ұзаққа созылмауы тиіс. Емдеу ұзақтығы Золлингер-Эллисон синдромы немесе басқа да патологиялық гиперсекрециялық жағдайлар кезінде шектеулі емес және емдеу мерзімі клиникалық қажеттілікке байланысты анықталуы мүмкін.

Балалар

Пантаз осы жас тобында қауіпсіздік және тиімділік туралы деректердің жеткіліксіздігіне байланысты 12 жасқа толмаған балаларда қолдану ұсынылмайды.

Егде жастағы пациенттер

Егде жастағы пациенттерге дозаны түзету қажет емес.

Бауыр жеткіліксіздігі бар пациенттер

Бауыр функциясы айқын бұзылған пациенттерде тәуліктік доза 20 мг пантопразолдан (20 мг пантопразолдың 1 таблеткасы) асырылмауы тиіс. Осыған байланысты, аталған пациенттер тобында пантопразолды 40 мг дозада тағайындамаған жөн. Пантапрозолмен емдеу уақытында, әсіресе препаратты ұзақ қолданғанда бауыр ферменттерінің деңгейін тұрақты түрде бақылау керек. Бауыр ферменттерінің деңгейі жоғарылағанда емді дереу тоқтату керек.

Пантопразол орташа немесе ауыр бауыр дисфункциясы пациенттерде H. pylori эрадикациясы үшін біріктірілген емде пайдаланылмауы тиіс, себебі қазіргі уақытта осы пациенттерді біріктіріп емдеу кезінде пантопразолдың тиімділігі мен қауіпсіздігі туралы деректер жоқ.

Бүйрек жеткіліксізділігі бар пациенттер

Бүйрек функциясы бұзылған пациенттерде дозаны түзету қажет емес.Пантопразол бүйрек функциясы бұзылған пациенттерде H. Pylori жою үшін біріктірілген емде пайдалануға болмайды, себебі қазіргі уақытта осы пациенттерді біріктіріп емдеу кезінде пантопразолдың тиімділігі мен қауіпсіздігі туралы деректер жоқ.

Енгізу жолы және тәсілі

Ішекте еритін Пантаз таблеткаларын шайнауға немесе тістеп үгітуге болмайды; олар тұтастай жұтылуы және сұйықтықтың жеткілікті мөлшерімен ішіп қабылдануы тиіс. Препаратты тамақ ішерден 1 сағат бұрын қабылдау қажет.

Артық дозалану жағдайында қабылдау қажет шаралар

Симптомдары: белгісіз.

Пантопразол қан ақуыздарымен жақсы байланысуына орай, диализ жүргізілмейді.

Емі: артық дозалану жағдайында симптоматикалық және демеуші ем тағайындалады.Препарат гемодиализ көмегімен шығарылмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну ұсынылады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

- полиптер (қатерсіз) фундальді бездер

- инъекция енгізілген орындағы тромбофлебит

Жиі емес

- ұйқының бұзылуы

- бас ауыруы, бас айналуы

- диарея, жүрек айнуы, құсу, абдоминальді ауыру сезімі, іш кебуі, іш қату, ауыздың құрғауы, жайсыздық

- бауыр ферменттері (трансаминазалар, γ-GT) белсенділігінің жоғарылауы

- тері бөртпесі, экзантема, кенет дамыған бөртпе, қышыну

- жамбас, білезік және омыртқа сүйегінің сынуы

- астения, қажу және дімкәстік

Сирек

- агранулоцитоз

- белсенді заттарға немесе препараттың қосымша компоненттеріне жоғары сезімталдық (анафилаксиялық реакцияларды және анафилаксиялық шокты қоса)

- гиперлипидемия, триглицеридтер, холестерин деңгейінің жоғарылауы, салмақтың өзгеруі

- депрессия (және барлық қатарлас нашарлаулар)

- дәмнің өзгеруі

- көрудің бұзылуы / анық көрмеу

- билирубин деңгейінің жоғарылауы

- есекжем, ангионевроздық ісіну

- артралгия, миалгия

- гинекомастия

- дене температурасының жоғарылауы, шеткері ісінулер

Өте сирек

- тромбоцитопения, лейкопения, панцитопения

- бағдардан адасу (және барлық қатар нашарлаулар)

Белгісіз

- гипонатриемия, гипомагниемия, гипокальциемия (гипомагниемиямен бірге), гипокалиемия

- елестеу, сананың шатасуы (әсіресе, осыған бейім жай-күйдегі пациенттерде, сондай-ақ, симптомдары емдеу басталғанға дейін болған болса, олардың нашарлауы)

- парестезия

- гепатоцеллюлярлы зақымданулар, сарғаю, гепатоцеллюлярлы жеткіліксізділік

- Стивенс-Джонсон синдромы, Лайелл синдромы, экссудативті мультиформалы эритема, жарыққа сезімталдық

- бұлшықет әлсіздігі (электролиттік теңгерімінің бұзылуы салдарынан)

- интерстициальді нефрит (бүйрек жеткіліксізділігі дамуы мүмкін)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат - пантопразол натрий сесквигидраты, 45,20 мг(пантопразолға баламалы, 40,00 мг),

қосымша заттар: маннитол, гидроксипропилцеллюлоза, сусыз натрий карбонаты, кальций стеараты, кросповидон,

қабығының құрамы: эудражит L-100 55, дибутилфталат, тазартылған тальк, гипромеллоза Е5, макрогол 6000, титанның қостотығы (Е171), темірдің сары тотығы (Е172).

Сыртқы түрінің, иісінің, дәмінің сипаттамасы

Дөңгелек, екі беті дөңес, сары түсті ішекте еритін қабықпен қапталған, екі жақ беткейі де тегіс таблеткалар.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамада.

1, 3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

Сақтау мерзімі 3 жыл.

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәлімет

«Медлей Фармасьютикалз Лтд.», Үндістан

Medley House, D2, MIDС Area, Andheri (East), Mumbai – 400 093

Тел./Факс: +91-22-68757609

e-mail: regulatory@medleylab.com

Тіркеу куәлігінің ұстаушысы

«Медлей Фармасьютикалз Лтд.», Үндістан

Medley House, D2, MIDС Area, Andheri (East), Mumbai – 400 093

Тел: +91-22-68757575

Факс: +91-22- 28204453

Тел./Факс: +91-22-68757609

e-mail: regulatory@medleylab.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«Авицена-ЛТД» ЖШС

050010, Алматы қ.

Радлов к-сі 65,

«Салем» БО, 203 кеңсе

Тел/факс: (727) 344 19 90/91/92/93

e-mail: direct@avitsena.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

ConsultAsia ЖШС,

Алматы қ.

Шевченко к-сі 165 Б

тел./факс: 7(727) 379 42 58

+77051708876 /+77051708825

e-mail: pv@consultingasia.kz

Қалалар