Твинста 80 мг/5 мг № 28 табл

Сипаттама

Дәрілік препаратты медициналық қолдану жөніндегі нұсқаулық (Қосымша-парақ)

Саудалық атауы

Твинста^®фс

Халықаралық патенттелмеген атауы

Жоқ

Дәрілік түрі, дозасы

Таблеткалар, 80 мг/5 мг, 80 мг/10 мг

Фармакотерапиялық тобы

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин II антагонисттері, біріктірілімі. Ангиотензин II антагонисттері мен кальций өзекшелерінің блокаторлары. Телмисартан және амлодипин

АТХ коды C09DB04

Қолданылуы

ТВИНСТА артериялық гипертензияны емдеу үшін қолданылады:

• монотерапия ретінде амлодипин көмегімен артериялық гипертензияны жеткілікті бақылауға қол жеткізе алмайтын ересек пациенттерде
• телмисартан мен амлодипинді жеке таблеткалар түрінде қабылдап жүрген және препараттардың бірдей дозасын, бірақ бір таблеткада қабылдауға ыңғайлы болу үшін қалайтын ересек пациенттерде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• әсер етуші заттарға, дигидропиридиннің туындыларына немесе қосымша заттардың кез келгеніне аса жоғары сезімталдық
• жүктіліктің ІІ және ІІІ триместрі, лактация кезеңі, өт жолдарының обструктивті аурулары және бауыр функциясының ауыр дәрежелі бұзылулары
• шок (кардиогенді шокты қоса алғанда)
• сол қарыншаның обструктивті қолқалық стенозы (мысалы, қолқалық стеноздың жоғары дәрежесі)
• жедел миокард инфарктісінен кейінгі гемодинамикалық тұрақсыз жүрек жеткіліксіздігі
• қант диабеті бар немесе бүйрек функциясы бұзылған (ШСЖ<60 мл/мин/1,73 м²) пацциенттерде ТВИНСТА препаратын және құрамында алискирен бар препараттарды бірге қабылдау)
• 18 жасқа дейінгі балалар мен жасөспірімдер.

Қолдану кезінде қажетті сақтық шаралары

ТВИНСТА препаратын қолданар алдында емдеуші дәрігерге бұрын болған немесе ағымдағы ахуал немесе мынадай аурулар туралы хабарлаңыз:

• бүйрек аурулары немесе бүйректің трансплантациясы
• бір немесе екі бүйректің қан тамырлары саңылауының тарылуы (бүйрек артериясының тарылуы)
• бауыр аурулары
• жүрек аурулары
• альдостеронның жоғары концентрациясы, ол организмдегі сұйықтық пен тұздардың кідіруіне және қанның әртүрлі минералды компоненттері теңгерімінің бұзылуына әкеледі
• дегидратация (организмдегі сұйықтықтың артық жоғалуы) немесе диуретиктерді (несеп айдайтын дәрілерді) қолдану салдарынан болатын тұз тапшылығы, тұз мөлшері төмен диета кезінде, сонымен қатар диарея немесе құсу кезінде туындайтын, төмен артериялық қысым (гипотензия)
• қан сарысуындағы калийдің жоғары концентрациясы
• қант диабеті
• қолқа саңылауының тарылуы (қолқа стенозы)
• тыныштық күйінде немесе аздаған физикалық жүктеме кезінде (тұрақсыз стенокардия кезінде) жүрек жеткіліксіздігі салдарынан туындаған кеуденің ауыруы
• алдыңғы төрт апта кезеңіндегі миокард инфарктісі.

Басқа дәрілік препараттармен өзара әрекеттесуі

Емдеуші дәрігерге қандай да бір басқа препараттар қабылдап жүргеніңізді, аз уақыт бұрын қабылдағаныңызды немесе қабылдауды бастайтыныңызды хабарлаңыз. Сіздің емдеуші дәрігеріңіз осы препараттардың дозасын өзгертуі немесе басқа сақтық шараларын қабылдауы мүмкін. Кейбір жағдайларда дәрі-дәрмектердің бірін қабылдауды тоқтату қажеттілігі туындауы мүмкін. Атап айтқанда, шектеулер төмендегі мынадай дәрілік препараттарға жатады:

• депрессияның кейбір түрлерін емдеуде қолданылатын құрамында литий бар препараттар
• қан сарысуындағы калий концентрациясын арттыратын препараттар, атап айтқанда, құрамында калий бар тұз алмастырғыштар немесе калий сақтайтын диуретиктер («несеп айдайтын»)
• ангиотензин II рецепторларының антагонистері
• ангиотензин-өзгертетін фермент (АӨФ) немесе алискирен тежегіштері (сондай-ақ «Қолдануға болмайтын жағдайлар» және «Қолдану кезіндегі қажетті сақтық шаралары» бөліміндегі ақпаратты қараңыз)
• ҚҚСП (қабынуға қарсы стероидты емес препараттар, атап айтқанда, ацетилсалицил қышқылы немесе ибупрофен), гепарин, иммунодепрессанттар (атап айтқанда, циклоспорин немесе такролимус) және триметоприм (антибиотик)
• рифампицин, эритромицин, кларитромицин (антибиотиктер)
• шайқурай
• дантролен (организмнің жылу алмасу бұзылуының ауыр түрлерінде инфузия түрінде енгізіледі)
• иммундық жүйенің функциясына әсер ететін препараттар (атап айтқанда, сиримус, темсиролимус және эверолимус)
• АИТВ/ЖИТС кезінде (мысалы, ритонавир) немесе зеңді инфекцияларды емдеу үшін қолданылатын препараттар (атап айтқанда, кетоконазол)
• дилтиазем (кардиологиялық препарат)
• қан сарысуындағы холестериннің жоғары болуы кезінде қолданылатын симвастатин
• дигоксин

Басқа гипотензивті дәрілік препараттармен жағдайындағыдай, ТВИНСТА препаратының тиімділігі ҚҚСП-мен (қабынуға қарсы стероидты емес препараттармен, атап айтқанда ацетилсалицил қышқылымен немесе ибупрофенмен) не кортикостероидты гормондармен бірге қабылдағанда төмендеуі мүмкін.

ТВИНСТА препараты артериялық гипертензияда қолданылатын басқа препараттардың немесе артериялық қысымды төмендететін препараттардың (мысалы, баклофен, амифостин, нейролептиктер немесе антидепрессанттар) гипотензиялық әсерін күшейтуі мүмкін.

Арнайы ескертулер

ТВИНСТА препаратының құрамында сорбитол бар

Препараттың әрбір таблеткасында 337,28 мг сорбитол бар. Сорбитол-фруктоза көзі. Егер Сіздің емдеуші дәрігеріңіз Сізді кейбір қант түрлеріне жағымсыздықпен ауыратыныңыз туралы хабардар етсе немесе егер Сізде фруктозаның тұқым қуалайтын жағымсыздығы (ФТЖ) - адам организмі фруктозаны ыдырата алмайтын сирек генетикалық бұзылыс диагнозы қойылса, осы дәрілік препаратты қабылдау немесе тағайындау алдында дәрігермен кеңесіңіз.

ТВИНСТА препаратының құрамында натрий бар

Препараттың әрбір таблеткасының құрамында 1 ммоль-ден кем натрий (23 мг) бар, яғни «құрамында натрий жоқ» препарат болып саналады.

Педиатрияда қолдану

Препаратты 18 жасқа толмаған балалар мен жасөспірімдерге қолдануға болмайды.

Жүктілік немесе лактация кезінде

Егер Сіз жүкті болуды болжасаңыз немесе жүкті болуды жоспарласаңыз, дәрігерге хабарлаған жөн. Әдеттегі жағдайда Сіздің емдеуші дәрігеріңіз препаратты жүктілік басталғанға дейін тоқтатуды ұсынады немесе Сіз жүкті болғаныңызды білген бойда, басқа препаратты ұсынады. ТВИНСТА препаратын жүктіліктің ерте кезеңінде қолдану ұсынылмайды және жүктіліктің 3 айдан астам мерзімінде қолданылмауы тиіс, себебі шаранаға елеулі зиян келтіруі мүмкін.

Амлодипиннің аз мөлшерде емшек сүтіне түсетіні анықталды. Егер Сіз бала емізсеңіз немесе бала емізуді бастауды жоспарласаңыз, емдеуші дәрігерге хабарлаңыз. ТВИНСТА препараты аналарға бала емізу кезінде ұсынылмайды; Сіздің емдеуші дәрігеріңіз бала емізуді жоспарласаңыз, әсіресе жаңа туған нәресте немесе ерте босану жағдайы туралы айтылса, басқа емдеу әдісін ұсына алады.

ТВИНСТА препаратын тамақ өнімдерімен бірге қолдану

Спирт ішімдіктері гипотензияның нашарлауына ықпал етуі мүмкін. Сіз мұны жатқан қалпынан немесе отырған қалпынан тұрған кезде бас айналу түрінде сезінуіңіз мүмкін.

ТВИНСТА препаратын грейпфрутпен немесе грейпфрут шырынымен бірге қолдану ұсынылмайды, өйткені кейбір пациенттерде амлодипиннің биожетімділігі жоғарылауы нәтижесінде ТВИНСТА препаратының гипертензияға қарсы әсері күшеюі мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Артериялық гипертензияны емдеген кезде кейбір пациенттерде жағымсыз әсерлер, атап айтқанда естен тану, ұйқышылдық, бас айналу немесе айналадағы заттардың айналу сезімі (вертиго) пайда болуы мүмкін. Егер Сіз осы жағымсыз әсерлерді сезінсеңіз, рөлді басқаруға отырмаңыз және механизмдермен жұмыс істемеңіз.

Қолдану бойынша ұсынымдар

Дозалау режимі

Әрқашан осы препаратты емдеуші дәрігердің ұсынымдарына қатаң сәйкестікте қабылдаңыз. Егер Сізде қандай да бір күмән туындаса, дәрігеріңізбен немесе фармацевтпен кеңесіңіз. ТВИНСТА препаратының таблеткасын тікелей қабылдау алдында блистерден алу ұсынылады.

Бауыр функциясы бұзылған кезде әдеттегі доза тәулігіне 40 мг/5 мг дозасы бар бір таблеткадан немесе 40 мг/10 мг дозасы бар бір таблеткадан аспауы тиіс.

Препаратты грейпфрут немесе грейпфрут шырынымен бір мезгілде қабылдау ұсынылмайды, себебі биожетімділікті жоғарылатуы мүмкін, бұл бірқатар пациенттерде қан қысымының қатты төмендеуіне әкеледі.

Енгізу әдісі мен жолы

ТВИНСТА препаратын ас қабылдауға тәуелсіз қабылдауға болады. Таблеткаларды сумен немесе басқа да алкогольсіз сусынмен ішу керек.

Қабылдау уақыты көрсетілген қолдану жиілігі

Ұсынылатын доза — тәулігіне бір таблетка. Таблетканы күн сайын бір уақытта қабылдауға тырысыңыз.

Артық дозалану жағдайында қабылдануы қажет шаралар

Егер сіз бір тәулік ішінде көп таблеткаларды кездейсоқ қабылдап қойсаңыз, дереу емдеуші дәрігеріңізбен, фармацевпен немесе жақын маңдағы аурухананың жедел жәрдем бөлімшесімен хабарласыңыз. Артериялық қысымның төмендеуі және жүрек соғу ырғағының жиілеуі мүмкін. Сонымен қатар, жүрек соғуының бәсеңдеуі, бас айналуы, бүйрек функциясының төмендеуі, атап айтқанда бүйрек жеткіліксіздігі, сондай-ақ артериялық қысымның айқын және ұзақ төмендеуі, соның ішінде шокқа және өлімге әкеп соқтыратыны туралы хабарланды.

Емі

Пациенттің жағдайына мұқият бақылау жүргізу керек, емі симптоматикалық және демеуші болуы тиіс. Артық дозалауды емдеу әдісі препаратты қабылдаған сәттен бастап және симптомдардың ауырлық дәрежесіне байланысты. Құсу индукциясы және/немесе асқазанды шаю, белсендірілген көмір сияқты емдеу әдістері қолданылуы мүмкін. Қандағы электролиттер мен креатинин деңгейіне жиі мониторинг жүргізу керек. Пациенттің гипотониясы дамыған жағдайда оны көлденең қалпына ауыстыру, аяғын көтеру, сондай-ақ тұз бен сұйықтық көлемін толтыру қажет. Кальций өзекшелерінің бөгеуіне қарсы әсер ету мақсатында оң терапиялық әсерге кальций глюконатын вена ішіне енгізу арқылы қол жеткізіледі. Кейбір жағдайларда асқазанды тазаркту пайдалы болуы мүмкін. Дені сау еріктілерде амлодипинді 10 мг дозада енгізгеннен кейін 2 сағат ішінде белсендірілген көмірді қолдану амлодипиннің сіңу жылдамдығын төмендетеді. Телмисартан мен амлодипин гемодиализ арқылы шығарылмайды.

Дәрілік препараттың бір немесе бірнеше дозасын жіберіп алғанда қажетті шаралар

Егер Сіз препараттың дозасын қабылдауды ұмытып қалсаңыз, оны бірден қабылдаңыз, содан кейін емдеуді тағайындағанға сәйкес жалғастырыңыз. Егер Сіз препаратты бір күнде өткізіп алсаңыз, келесі күні қалыпты дозаны қабылдаңыз. Жіберіп алған дозаны өтеу үшін қосарлы дозаны қабылдамаңыз.

Тоқтату симптомдарының болу қаупіне нұсқау

ТВИНСТА препаратын емдеуші дәрігеріңіз тағайындауды тоқтатқанға дейін күн сайын қабылдау маңызды. Егер препараттың әсері тым күшті немесе жеткіліксіз болса, емдеуші дәрігерге немесе фармацевтке хабарлаңыз.

Дәрілік препаратты қолдану тәсілін түсіндіру үшін медицина қызметкеріне кеңес беру үшін жүгіну бойынша ұсынымдар

Егер Сізде осы дәрілік препаратты қолдануға қатысты қосымша сұрақтар туындаса, емдеуші дәрігерге хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Барлық дәрілік препараттар, атап айтқанда, ТВИНСТА, жағымсыз әсерлер тудыруы мүмкін, бірақ олар барлығында пайда болмауы мүмкін.

Кейбір жағымсыз әсерлер елеулі болып, шұғыл медициналық араласуды талап етуі мүмкін.

Келесі симптомдардың кез келгені пайда болған жағдайда Сіз дереу емдеуші дәрігеріңізге жүгінуіңіз керек:

• сепсис кезінде (жиі «қанға инфекцияның түсуі» деп аталады, бұл барлық организмді зақымдайтын ауыр инфекция болып табылады, ол қызба мен жағдайдың айқын нашарлауымен қоса жүреді) және тері мен шырышты қабық ісінуінің тез дамуы (ангионевроздық ісіну); бұл жағымсыз әсерлері сирек кездеседі (1000 адамға 1 жағдайға дейін), бірақ олар өте күрделі және олар дамыған жағдайда пациенттер препаратты қабылдауды дереу тоқтатып, дәрігерге қаралуы керек. Емдеу болмаған жағдайда бұл бұзылулар өлімге әкеп соғуы мүмкін. Сепсистің даму жағдайларының артуы тек телмисартан қолданғанда ғана байқалды, бірақ ТВИНСТА қабылдағанда бұл реакцияның ықтималдығын жоққа шығаруға болмайды.
• бас айналу, тобық аймағында ісіну.
• ұйқышылдық, бас сақинасы, бас ауыруы, саусақтардағы немесе табандағы шаншу немесе ұйып қалу сезімі, айналадағы заттардың айналуын сезіну (вертиго), жүрек ырғағының баяулауы, жүрек соғуының жиілеуі (өз жүректің соғуын сезіну), төмен артериялық қысым (гипотензия), тұрған кезде бас айналу (ортостатикалық гипотензия), қан кернеуі, жөтел, іштің ауыруы (абдоминалдық ауру), диарея, жүрек айнуы (жүрек айнуымен байқалатын әлсіздік), қышу, буындардың ауыруы, бұлшықеттің түйілуі, бұлшықеттің ауруы, эрекцияға қол жеткізе алмау, әлсіздік, кеуденің ауыруы, шаршаңдық, ісіну (ісінулер), бауыр ферменттері деңгейінің жоғарылауы.
• қуық инфекциялары, жабырқаңқы көңіл (депрессия), мазасыздық, ұйқысыздық, естен тану, қол буынында немесе табандағы жүйкелердің зақымдануы, жанасуға төмен сезімталдық, дәмнің бұзылуы, тремор, құсу, қызыл иектің гипертрофиясы, абдоминалдық аймақтағы жағымсыз сезім, ауыздың құрғауы, экзема (тері ауруы), терінің қызаруы, бөртпе, арқаның ауыруы, аяқтың ауыруы, түнде несеп шығаруға қажеттік сезінісі, өзін нашар сезіну (жалпы әлсіздік), қандағы мочевина қышқылы құрамының жоғары болуы.
• өкпе тінінің үдемелі тыртықтануы (өкпенің интерстициальді ауруы [негізінен интерстициальді және эозинофильді пневмония])
• несеп шығару жолдарының инфекциялары, жоғарғы тыныс алу жолдарының инфекциялары (мысалы, тамақ ауыруы, мұрынның қосалқы қуыстарының қабынуы, суық тию), эритроциттердің жетіспеушілігі (анемия), қандағы калий деңгейінің жоғары болуы, ентігу, іштің кебуі, шамадан тыс терлеу, бүйрек кенеттен жұмыс істемей қалуын қоса алғанда, бүйректің зақымдануы және креатинин деңгейінің жоғарылауы.
• лейкоциттердің белгілі бір қосалқы түрінің артуы (эозинофилия), тромбоциттердің төмен болуы (тромбоцитопения), аллергиялық реакциялар (мысалы, бөртпе, қышу, тыныс алудың қиындауы, ысқырықты дем алу, беттің ісінуі немесе артериялық қысымның төмен болуы), қандағы қанттың төмен деңгейі (қант диабеті бар пациенттерде), көру қабілетінің бұзылуы, жүректің жиілеуі, асқазанның бұзылуы, бауыр функциясының бұзылуы, есекжем (уртикарлы бөртпе), дәрілік бөртпе, сіңірдің қабынуы, тұмауға ұқсас синдром (мысалы, бұлшықеттің ауыруы, жалпы өзін нашар сезінуі), гемоглобин деңгейінің төмендеуі (қан ақуызы), қандағы креатинфосфокиназаның жоғары деңгейі.
• дәреттің жиілігі мен сипатының өзгеруі, диарея, іш қату, көру бұзылыстары, көзге қос көріну, тобық аймағындағы ісінулер.
• көңіл-күйдің өзгеруі, көру қабілетінің бұзылуы, құлақтағы шуыл, ентігу, түшкіру/суық тию, шаштың түсуі, ерекше қан кету мен қанталау (эритроциттердің зақымдануы), тері түсінің өзгеруі, шамадан тыс терлеу, несеп шығарудың қиындауы, әсіресе түнде несеп шығарудың жоғары қажеттілігі, ерлерде сүт бездерінің ұлғаюы, ауыру, дене салмағының артуы, дене салмағының азаюы.
• сананың шатасуы.
• лейкоциттер санының азаюы (лейкопения), тромбоциттер санының азаюы (тромбоцитопения), аллергиялық реакциялар (мысалы, бөртпелер, қышу, тыныс алудың қиындауы, ысқырықты дем алу, беттің ісінуі немесе артериялық қысымның төмен болуы), қандағы қант мөлшерінің артық болуы, бақыланбайтын бұлшықет жиырылуы немесе тартылуы, жүрек ұстамасы, аритмия, қан тамырларының қабынуы, ұйқы безінің қабынуы, асқазанның шырышты қабығының қабынуы (гастрит), бауырдың қабынуы, тері қабығының сарғаюы (сарғаю), сарғаюмен қоса жүретін бауыр ферменттері деңгейінің жоғарылауы, тері мен шырышты қабықтардың тез ісінуі (ангионевроздық ісіну), ауыр тері реакциялары, есекжем (уртикарлы бөртпелер), кейін жарылатын күлдіреуік пайда болуымен көрінетін ауыр аллергиялық реакциялар (эксфолиативті дерматит, Стивенс — Джонсон синдромы), терінің күнге жоғары сезімталдығы, бұлшықет кернеуінің жоғарылауы.
• кейіннен жарылып, тері мен шырышты қабықтарда күлдіреудің түзілуімен байқалатын, ауыр аллергиялық реакциялар (уытты эпидермалық некролиз).

Жиі (10 адамға 1 жағдайға дейін):

Жиі емес (100 адамға 1 жағдайға дейін):

Сирек (1000 адамға 1 жағдайға дейін):

Өте сирек (10 000 адамға 1 жағдайға дейін):

Төменде көрсетілген жағымсыз әсерлері телмисартан немесе амлодипин бөлек қолдану аясында байқалды және олар ТВИНСТА препаратын қабылдау кезінде де дамуы мүмкін.

Телмисартан

Телмисартанды монотерапия ретінде қабылдаған пациенттерде төменде көрсетілген жағымсыз әсерлер анықталды.

Жиі емес (100 адамға 1 жағдайға дейін):

Сирек (1000 адамға 1 жағдайға дейін):

Пост-маркетингтік кезеңде белгілі болған бауыр функциясының бұзылуы мен бауырдың зақымдануы жапондықтарда тіркелген. Жапондықтар осы жағымсыз әсердің дамуына анағұрлым бейім.

Амлодипин

Амлодипинді монотерапия ретінде қабылдаған пациенттерде төменде көрсетілген жағымсыз әсерлер анықталды.

Жиі (10 адамға 1 жағдайға дейін):

Жиі емес (100 адамға 1 жағдайға дейін):

Сирек (1000 адамға 1 жағдайға дейін):

Өте сирек (10 000 адамға 1 жағдайға дейін):

Жиілігі белгісіз (қолда бар деректер бойынша бағалануы мүмкін емес):

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

«Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

телмисартан қабаты

белсенді зат-80 мг телмисартан,

қосымша заттар: натрий гидроксиді, повидон К25, меглумин, сорбитол (Е 420), магний стеараты,

амлодипин қабаты

белсенді зат-6.935 мг немесе 13.870 мг амлодипин бесилаты (тиісінше 5 мг немесе 10 мг амлодипинге баламалы)

қосымша заттар: микрокристалды целлюлоза, желатинделген крахмал, жүгері крахмалы, сусыз кремний қостотығы, бояғыштардың қоспасы¹, магний стеараты.

¹Бояғыштардың қоспасытемірдің қара тотығынан (E172), темірдің сары тотығынан (E172) және көгілдір алюминді пигмент FD&C №1 (E133) тұрады.

Сыртқы түрінің, иісінің, дәмінің сипаттамасы

Сопақша пішінді, екі жақ беті дөңес, екі қабатты таблеткалар: бір қабаты ақтан ақ дерлік түске дейін, басқа қабаты көгілдір түсті. Таблеткалардың ақ қабатында Берингер Ингельхаймкомпаниясының логотипіжәне «А3» өрнегі бар (80 мг/5 мг доза үшін) немесе «А4» өрнегі бар (80 мг/10 мг доза үшін), таблетканың басқа жағы тегіс.

Шығарылу түрі және қаптамасы

Күңгірт лакталған баспалы алюминий фольгадан жасалған пішінді ұяшықты қаптамаға 7 таблеткадан салынады.

4 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды

Сақтау шарттары

Жарықтан және ылғалдан қорғау үшін түпнұсқалық қаптамасында, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Ципла Лтд., Үндістан

Верна Индастриал Эстейт, Гоа – 403722, Үндістан

тел.: +91 832 2889000 / 2889199 / 2889101, факс: +91 832 2782805

e-mail: ciplagoa@cipla.com

Қаптаушы

Роттендорф Фарма ГмбХ, Германия

Ам Фляйгендаль 3, 59320 Эннигерлох, Германия

Тіркеу куәлігінің ұстаушысы

Берингер Ингельхайм Интернешнл ГмбХ, Германия

Бингер Штрассе 173, 55216 Ингельхайм, Германия

тел.: +49 6132 77-0, факс: +49 6132 72-0

e-mail: PV_local_Kazakhstan@boehringer-ingelheim.com

Қазақстан Республикасының аумағындағы тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«Берингер Ингельхайм Фарма Геселлшафт м.б.Х.» Қазақстан Республикасындағы филиалы

050008, Алматы, Абай даңғ., 52, «Innova Tower» БО, 7 қабат

тел: +7-727-250-00-77, факс: +7-727-244-51-77

e-mail: PV_local_Kazakhstan@boehringer-ingelheim.com

Қалалар