Йодбаланс 200 мкг № 100 табл.
Тауарлардың көрінісі фотосуретте көрсетілгеннен өзгеше болуы мүмкін

Йодбаланс 200 мкг № 100 табл.

1343
Қолжетімділігі
Сатылымда бар
Үлгі
4054839371196
Елі
Германия
Өндіруші
Nycomed Austria GmbH
  • Сипаттама
  • Дәріханалар

Сипаттама

Саудалық атауы

Йодбаланс®

Халықаралық патенттелмеген атауы

Жоқ

Дәрілік түрі, дозалануы

200 мкг таблеткалар

Фармакотерапиялық тобы

Жыныс гормондарын және инсулиндерді қоспағанда жүйелі әсер ететін гормональді препараттар. Қалқанша без ауруларын емдеуге арналған препараттар. Йод препараттары.

АТХ коды Н03СА

Қолданылуы

  • йод тапшылығы ауруларының (зобтың пайда болуы) профилактикасы, соның ішінде жүкті әйелдерде және бала емізу кезеңінде
  • хирургиялық жолмен алып тастағаннан кейін, сонымен қатар қалқанша без гормондары препараттарымен кешенді емдеу аяқталғаннан кейін зобтың қайталануының профилактикасында
  • жасөспірімдер мен ересектердегі йод тапшылығы туғызған диффуздық эутиреоидтық зобты емдеуде
    • дәрілік заттың белсенді затына немесе қосымша компоненттеріне жоғары сезімталдық
    • манифестік гипертиреоз

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • йодтың тәулігіне 150 микрограмнан асатын дозаларын қолданғандағы субклиникалық (симптомсыз) гипертиреоз
  • қалқанша бездің уытты аденомасы, сондай-ақ, қалқанша бездің ошақтық және диффуздық автономдық бұзылыстары
  • туа біткен фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы бар тұлғаларға

Қолданған кездегі қажетті сақтандыру шаралары

Қолданылмайды.

Басқа дәрілік препараттармен өзара әрекеттесуі

Тиростатикалық дәрілік заттар йодтың қалқанша безінің органикалық байланысқан түріне өтуін тежейді, сондықтан зобтың пайда болуына себеп болуы мүмкін.

Йодпен бірдей «сіңіру» принципі бойынша қалқанша безге сіңетін заттар бәсекеге қабілетті механизм арқылы қалқанша бездің йодтың сіңуін тежеуі мүмкін (мысалы, қалқанша без ішіндегі йодтың рециркуляциясын тежейтін перхлорат).

Өздігінен сіңірілмейтін дәрілік заттардан да тежеу мүмкін (мысалы, 5 мг/ дл-ден жоғары концентрациядағы тиоцианат).

Йодты қалқанша бездің жұтуын және оның метаболизмін тиреотропты гормон (ТТГ) көтермелейді.

Йод терапиясын жоғары дозаларда литий препараттарымен бір мезгілде қабылдау зоб пен гипотиреоздың дамуына ықпал етуі мүмкін.

Арнайы ескертулер

Емдеуді бастар алдында пациентте гипертиреоздың немесе түйінді уытты зобтың бар-жоқтығын, сондай-ақ анамнезінде бұл аурулардың болғанын анықтап алу қажет.

Емдеуді бастар алдында диффуздық немесе қалқанша бездің шектелген автономдық бұзылыстарының бар-жоқтығын спецификалық диагностикалау әдістері арқылы анықтап алу қажет, йодтың тәуліктік 150 микрограмм немесе жоғарырақ дозалары пайдаланылған мұндай ем гипертиреозға алып келуі мүмкін.

Қалқанша бездің йодпен қанығуы емдік немесе диагностикалық мақсаттарда пайдаланылған радиобелсенді йодтың жинақталуына кедергі келтіруі мүмкін. Осыған байланысты препаратты радиобелсенді йодты қолданар алдында қабылдау ұсынылмайды.

Галактозаны көтере алмаушылық, лактоза жетіспеушілігі немесе глюкоза-галактоза мальабсорбциясына байланысты сирек тұқым қуалайтын аурулары бар пациенттерге тағайындау ұсынылмайды.

Препаратпен емдеу аясында бүйрек жеткіліксіздігі бар науқастарда гиперкалиемия дамуы мүмкін екендігін ескеру керек.

Жүктілік және лактация кезеңі

Йод плацента арқылы өтеді және емшек сүтімен бөлініп шығады. Жүктілік және бала емізу кезеңдерінде Йодбаланс® препаратын қабылдау туралы ақпарат «Қолданылуы» бөлімінде келтірілген. Емдеу жүргізген кезде тамақпен және тамақ қоспаларымен түсетін йод мөлшерін ескеру қажет. Егер бала емізетін әйел Йодбаланс® препаратын қабылдайтын болса, препаратты емшек еметін сәбилерге қосымша тағайындау қажет емес.

Ұрық пен жаңа туған нәрестенің қалқанша безінің йод препараттарына сезімталдығының жоғарылауына байланысты жүктілік және бала емізу кезінде йодтың өте жоғары дозаларын тағайындаудан аулақ болыңыз (миллиграмм диапазонында). Ерекшелік - радиоактивті инциденттерден кейінгі жоғары дозалы профилактика.

Дәрілік заттың көлік құралдарын және механизмдерді басқару қабілетіне ықпал ету ерекшеліктері

Әсер етпейді.

Қолдану жөніндегі нұсқаулар

Дозалану режимі

Йодбаланс® препаратының қажетті дозасын анықтаған кезде йодты тамақпен бірге қабылдаудың аймақтық және жеке ерекшеліктерін ескеру қажет. Бұл әсіресе жаңа туған нәрестелер мен 4 жасқа дейінгі балаларға дәрі тағайындау кезінде өте маңызды.

Зоб дамуының профилактикасы үшін:

12 жастан кейінгі жасөспірімдер мен ересектер: күніне 100-200 мкг йод.

Жүктілік пен бала емізу кезінде: күніне 100 - 200 мкг йод.

Хирургиялық жолмен алып тастағаннан кейін немесе қалқанша без гормондары препараттарымен емдеу курсы аяқталғаннан кейін зобтың қайталануының профилактикасы: күн сайын 100 -200 мкг йод.

Эутиреоидты зобты емдеу:

12 жастан кейінгі жасөспірімдер мен ересектер: күніне 200 мкг йод.

Препараттың тәуліктік дозасын тамақтан кейін, судың жеткілікті мөлшерімен ішіп, бір қабылдаумен қолдану керек.

Енгізу әдісі және жолы

Ішке қабылдауға арналған.

Емдеу ұзақтығы

Йодбаланс® препаратын профилактикалық қабылдау көбіне өмір бойына жүргізіледі.

Балаларда, жасөспірімдер мен ересектерде әдетте 6-12 ай немесе одан да көп қажет болуы мүмкін. Емдеу ұзақтығын эндокринолог анықтайды.

Артық дозаланған жағдайда қабылдануы тиіс шаралар

Симптомдары: йодпен жедел уыттануда рефлекторлық құсу, іштің ауыруы, диарея байқалады. Дегидратация және шок басталуы мүмкін. Сирек жағдайларда өңештің стенозы туындауы мүмкін.

Йодты көп мөлшерде қабылдаған жағдайда өлім жағдайлары тіркелді (дозалар 30-дан 250 мл-ге дейін, 0,75-6,25 г I2 сәйкес келетін йод тұнбалары).

Созылмалы артық дозалануы «йодизм» феноменіне: ауыздың металл татуына, шырышты қабықтардың ісінуі мен қабынуына (ринит, конъюнктивит, гастроэнтерит, бронхит), буллезді немесе туберкулезді йододерма, эксфолиативті дерматит, ангионевротикалық ісіну. Сирек температураның жоғарылауы, безеу бөртпесі, сілекей бездерінің ісінуі туралы хабарланды.

Жедел артық дозалануын емдеу: асқазанды шаю, су және электролиттік теңгерім бұзылыстарын симптоматикалық емдеу, шокты емдеу.

Калий йодиді тудырған созылмалы артық дозалану жағдайында, Йодбаланс® препаратымен емдеуді жою керек. Йод туғызған гипотиреозда, Йодбаланс® қолдануды тоқтату және қалқанша без гормондарымен емдеуді бастау керек. Йод туғызған гипертиреозда, антитиреоидтық дәрілермен емдеу көрсетілген.

Өте сирек жағдайларда, қарқынды емдеу, плазмаферез немесе тиреоидэктомия қажет болуы мүмкін.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданар алдында дәрігердің кеңесіне жүгініңіз.

Жағымсыз реакциялар сипаттамасы

  • қалқанша без қызмет атқару аймақтары өлшемінің ұлғаюы кезінде, йодтың 150 микрограмнан асатын жоғары дозаларын қолданған жағдайда, гипертиреоз көрініс беруі мүмкін
  • аутоиммундық ауруларға бейім пациенттерде тиреопироксидазаға антиденелердің (ТПО-АД) дамуы мүмкін.

Жағымсыз реакциялар туралы хабарлама

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық

бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Құрамы

Бір таблетканың құрамында

белсенді зат – 261,6 мкг калий йодиді (бұл 200 мкг йодқа сәйкес келеді),

қосымша заттар: лактоза моногидраты, целлюлоза ұнтағы, жүгері крахмалы, коллоидты кремнийдің қостотығы, магний стеараты, микрокристалды целлюлоза.

Сыртқы түрінің, иісінің, дәмінің сипаттамасы

Дөңгелек пішінді, беткейі тегіс, шеттері қиғашталған, үстіңгі бөлігінде «ЕМ 70» жазуы бар және төменгі бөлігінде декоративті сызығы бар, ақ дерлік түсті таблеткалар. Таблетканың диаметрі 7.0–7.2 мм, қалыңдығы – 1.8–2.1 мм.

Шығарылу түрі және қаптамасы

25 таблеткадан поливинилхлоридті үлбір мен алюминий фольгадан жасалған пішінді ұяшықты қаптамада.

4 пішінді ұяшықты қаптамадан қазақ және орыс тілдеріндегі медициналық қолдану жөніндегі нұсқаулықпен бірге картон қорапшаға салады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

30 °С-ден аспайтын температурада, жарықтан қорғалған жерде сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Мерк Хелскеа КГаА, Германия

Frankfurter Str. 250, 64293 Darmstadt, Germany

Франкфуртер Штрассе 250, 64293 Дармштадт, Германия

Тіркеу куәлігінің ұстаушысы

«Мерк» ЖШҚ,

Валовая к., 35 үй, Мәскеу қ., 115054, Ресей

Телефон: +7-495-937-33-04

Факс: +7-495-937-33-05

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Ацино Каз» ЖШС

Қазақстан Республикасы, 050010, Алматы қ., Бегалин к-сі, 136 «А»

Тел: +7 (727) 291 61 51,

Факс : +7 (727) 291 61 51

E-mail: PV-KAZ@acino.swiss

Дәріханалар

Тауар артығымен бар
Тауар аз қалды
Аптека №86
Торетам ул Коркыт Ата 2/1
09 00- 21 00